மத்திய ஆயுத காவல் படைகள் மசோதா நிறைவேற்றம்.. பட்ஜெட் கூட்டத்தொடர் இன்று நிறைவு!

Parliament Concludes Today: மத்திய ஆயுதப் படைகள் மசோதா நாடாளுமன்றத்தின் மாநிலங்களவையில் நிறைவேற்றப்பட்டது.

பட்ஜெட் கூட்டத்தொடர் இன்று நிறைவு

BySaranya JK

Published on: April 2, 2026 at 12:25 pm

புதுடெல்லி, ஏப்.2, 2026: மத்திய ஆயுத காவல் படைகள் (பொது நிர்வாகம்) மசோதா, புதன்கிழமை (ஏப்ரல் 1, 2026) ராஜ்யசபாவில் நிறைவேற்றப்பட்டது. இந்தச் சட்டம் நாட்டின் பாதுகாப்பு அமைப்பை மேலும் வலுப்படுத்தும் என்று உள்துறை இணை அமைச்சர் நித்யானந்த் ராய், சட்டம் தொடர்பான விவாதத்திற்கு பதிலளிக்கும் போது தெரிவித்தார்.

பாராளுமன்றத்தில் இன்று

பாராளுமன்றத்தின் பட்ஜெட் கூட்டத் தொடர் இன்று நிறைவடைகிறது. ராஜ்யசபா இன்று ஆந்திரப் பிரதேச மறுசீரமைப்பு (திருத்தம்) மசோதா, 2026-ஐ பரிசீலித்து நிறைவேற்ற வாய்ப்புள்ளது. பட்ஜெட் கூட்டத் தொடரின் முதல் பகுதி இந்த ஆண்டு ஜனவரி 28ஆம் தேதி தொடங்கி பிப்ரவரி 13ஆம் தேதி வரை நடைபெற்றது. இரண்டாம் பகுதி கடந்த மாதம் 8ஆம் தேதி தொடங்கியது.

முதல் பகுதியில், குடியரசுத் தலைவரின் உரைக்கு நன்றி தெரிவிக்கும் தீர்மானம் மற்றும் 2026-27 ஒன்றிய பட்ஜெட் குறித்து விவாதம் நடைபெற்றது. இரண்டாம் பகுதியில், பாராளுமன்றம் நிதி மசோதா 2026 மற்றும் ஒதுக்கீடு (எண். 2) மசோதா 2026 ஆகியவற்றுக்கு ஒப்புதல் அளித்தது. மேலும், மேற்கு ஆசியாவில் நடைபெற்று வரும் மோதலால் உருவான சூழ்நிலையைப் பற்றி அரசின் நிலைப்பாட்டை விளக்குவதற்காக பிரதமர் நரேந்திர மோடி, கூட்டத் தொடரின் போது இரு அவைகளிலும் உரையாற்றினார்.

இதையும் படிங்க மல்லிகார்ஜூன் கார்கே பதில் மனு.. ஏப்.15 விசாரணை.. அவதூறு வழக்கில் பரபரப்பு!