இந்தியா வந்தார் கனடா பிரதமர்.. திங்கள்கிழமை மோடியுடன் சந்திப்பு

Mark Carney India Visit: கனடா பிரதமர் மார்க் கார்னி வெள்ளிக்கிழமை மும்பைக்கு வந்தடைந்தார். இது கார்னியின் முதல் அதிகாரப்பூர்வ இந்தியப் பயணமாகும்.

நரேந்திர மோடியுடன் மார்க் கார்னே

BySaranya JK

Published on: February 27, 2026 at 5:57 pm

மும்பை, பிப்.27, 2026: கனடா பிரதமர் மார்க் கார்னி தனது முதல் இந்தியப் பயணமாக இன்று (பிப்.27, 2026) இந்தியா வந்தடைந்தார்.
இந்தப் பயணம் இந்தியா மற்றும் கனடா ஆகிய நாடுகளின் இருதரப்பு உறவுகளை மீண்டும் கட்டியெழுப்புவதையும் வர்த்தகத்தை அதிகரிப்பதையும் நோக்கமாகக் கொண்டுள்ளது.

ஏனெனில் அமெரிக்காவுடனான உறவுகளில் ஏற்பட்டுள்ள விரிசல்களின் தாக்கத்தை எதிர்கொள்வதற்கும், இந்தியா, சீனா மற்றும் மத்திய கிழக்கு நாடுகளுடனான உறவுகளை ஆழப்படுத்துவதற்கும் கனடா இலக்கு வைத்துள்ளது.

இதற்கிடையில், திங்கள்கிழமை கனடா பிரதமர் மார்க் கார்னி, பிரதமர் நரேந்திர மோடியை புதுடெல்லியில் சந்திக்க உள்ளார் என்று ஏ.எஃப்.பி தெரிவித்துள்ளது.
முன்னாள் பிரதமர் ஜஸ்டின் ட்ரூடோ, கனேடிய குடிமகனின் கொலையில் இந்தியா ஈடுபட்டதாகக் குற்றம் சாட்டியதைத் தொடர்ந்து, இந்தியாவிற்கும் கனடாவிற்கும் இடையிலான உறவுகள் சமீபத்திய ஆண்டுகளில் மோசமடைந்தன என்பது குறிப்பிடத்தக்கது.

இதையும் படிங்க: பாதுகாப்பு ஆய்வாளர் மரூஃப் ரஸா மறைவு.. பிரதமர் நரேந்திர மோடி இரங்கல்!