கேரளா கேரளம் என பெயர் திருத்தம்.. மத்திய அமைச்சரவை ஒப்புதல்!

Keralam: கேரளாவின் பெயர் கேரளம் என மாற்றப்பட்ட நிலையில் அதற்கு மத்திய அமைச்சரவை ஒப்புதல் அளித்துள்ளது.

கேரளாவின் பெயர் கேரளம் என மாற்றம் (பிரதமர் நரேந்திர மோடியுடன், முதலமைச்சர் பினராய் விஜயன்)

ByPushpa Gopinath

Published on: February 24, 2026 at 3:27 pm

Updated on: February 24, 2026 at 4:25 pm

புதுடெல்லி, பிப்.24, 2026: மத்திய அமைச்சரவை கேரளாவின் பெயரை “கேரளம்” என மாற்றும் தீர்மானத்தை பரிசீலிக்க உள்ளது என்ற தகவல்கள் வெளியாகின. இந்த நடவடிக்கை, கேரள சட்டமன்றம் இருமுறை நிறைவேற்றிய தீர்மானத்தைத் தொடர்ந்து வருகிறது. அந்த தீர்மானம், மாநிலத்தின் பெயர் மலையாளத்தில் எழுதப்படுவது போலவே எட்டாவது அட்டவணையில் உள்ள அனைத்து மொழிகளிலும் பிரதிபலிக்க வேண்டும் என்று மத்திய அரசை வலியுறுத்தியது.

திருவனந்தபுரம் எம்.பி. சஷி தரூர், “இது நல்லதே, ஆனால் ஆங்கிலம் பேசுவோருக்கான ஒரு சிறிய மொழியியல் கேள்வி: ‘கேரளம்’ என்ற பெயர் வந்த பிறகு ‘Keralite’ மற்றும் ‘Keralan’ என்ற சொற்களுக்கு என்ன ஆகும்?” என்று கேட்டார். இதுதொடர்பாக அவர் நகைச்சுவையாக, “‘Keralamite’ என்பது ஒரு நுண்ணுயிர் போலவும், ‘Keralamian’ என்பது அரிய கனிமம் போலவும் ஒலிக்கிறது…!” என்று ட்விட்டர் எக்ஸ் தளத்தில் பதிவிட்டுள்ளார்.

மேலும், கேரள முதல்வர் அலுவலகத்தை குறியிட்டு, “புதிய சொற்களை உருவாக்கும் போட்டியை நடத்தலாம்” என்று பரிந்துரைத்தார். மாநிலத்தை ‘கேரளம்’ என்று மறுபெயரிடும் மசோதாவைப் பற்றி, பாஜக மாநிலத் தலைவர் ராஜீவ் சந்திரசேகர், “புதிய பெயர் பொருத்தமானது. ஏனெனில் நாங்கள் எங்கள் பாரம்பரியத்தையும் கலாச்சாரத்தையும் காக்கும் மாநிலமாகவும், முன்னேற்ற நோக்குடன் பொருளாதாரத்தை உருவாக்கும் மாநிலமாகவும் இருக்கப் போகிறோம்” என்றார்.

இதற்கிடையில் கேரளாவின் பெயர் கேரளம் என திருத்தம் கோரும் மசோதாவுக்கு பிரதமர் நரேந்திர மோடி தலைமையிலான மத்திய அமைச்சரவை ஒப்புதல் வழங்கியுள்ளது.

இதையும் படிங்க; பெண்களுக்கு பெண் ஓட்டுநர்கள்.. பாரத் டாக்ஸி சேவை.. அமித் ஷா கலந்துரையாடல்!