பெண்களுக்கு பெண் ஓட்டுநர்கள்.. பாரத் டாக்ஸி சேவை.. அமித் ஷா கலந்துரையாடல்!

Amit Shah: புதுடெல்லியில் பாரத் டாக்ஸி ஓட்டுநர்களுடன் மத்திய உள்துறை மற்றும் ஒத்துழைப்பு அமைச்சர் அமித் ஷா சந்தித்து உரையாடினார்.

உள்துறை அமைச்சர் அமித் ஷா

BySaranya JK

Published on: February 23, 2026 at 4:40 pm

புதுடெல்லி, பிப்.23, 2026: பாரத் டாக்ஸி ஓட்டுநர்களுடன் மத்திய உள்துறை மற்றும் ஒத்துழைப்பு அமைச்சர் அமித் ஷா சந்தித்து உரையாடினார். அப்போது, “பாரத் டாக்ஸி கூட்டுறவு, ஓட்டுநர்களுக்கு அவர்களின் பணியில் உரிமையை வழங்கும் முயற்சியாகும். தனியார் டாக்ஸி நிறுவனங்களில் உள்ள சிக்கல்களை குறைத்து, லாபம் ஓட்டுநர்களுக்கே செல்லும் வகையில் திட்டமிடப்பட்டுள்ளது” என்றார்.

மேலும், “பாரத் டாக்ஸி உலகின் மிகத் திறந்த மற்றும் வெளிப்படையான டாக்ஸி சேவையாக இருக்கும் என்று அவர் குறிப்பிட்டார். ஒவ்வொரு தகவலும் ஒட்டுநர்களுக்கு அறிவிப்பாக வழங்கப்படும்” எனவும் தெரிவித்தார். மேலும், இந்த முயற்சி ஓட்டுநர்களின் நலனுக்கும், பயணிகளின் பாதுகாப்புக்கும் ஒரு மேடையாக மாறி வருகிறது.

தனித்துவ அம்சம்

இதில், பெண் பயணிகள், பெண் ஒட்டுநர்களைத் தேர்வு செய்யும் வசதி கொண்ட தனித்துவமான அம்சமும் உள்ளது. மேலும், காப்பீட்டு பலன்கள் மற்றும் எளிய கடன் வசதிகள் வழங்கப்படும்” எனவும் தெரிவிக்கப்பட்டுள்ளது.

இதையும் படிங்க: சரத் பவாருக்கு சிறிய அளவில் நீரிழப்பு பாதிப்பு.. மருத்துவமனையில் அனுமதி!