Amelia Valverde: கோஸ்டா ரிக்காவைச் சேர்ந்த அமீலியா வால்வெர்டே இந்திய மூத்த மகளிர் கால்பந்து அணியின் புதிய தலைமை பயிற்சியாளராக நியமிக்கப்பட்டுள்ளார்.
Amelia Valverde: கோஸ்டா ரிக்காவைச் சேர்ந்த அமீலியா வால்வெர்டே இந்திய மூத்த மகளிர் கால்பந்து அணியின் புதிய தலைமை பயிற்சியாளராக நியமிக்கப்பட்டுள்ளார்.
Published on: January 21, 2026 at 5:33 pm
புதுடெல்லி, ஜன.21, 2026: கோஸ்டா ரிக்காவைச் சேர்ந்த அமீலியா வால்வெர்டே (Amelia Valverde) இந்திய மூத்த மகளிர் கால்பந்து அணியின் புதிய தலைமை பயிற்சியாளராக நியமிக்கப்பட்டுள்ளார். அவர் தற்போது துருக்கியின் அண்டால்யாவில் நடைபெறும் இந்திய அணியின் பயிற்சி முகாமில் இணைந்துள்ளார். அங்கு “ப்ளூ டைக்ரெசஸ்” 2026 மார்ச் மாதம் நடைபெறவுள்ள ஏ.எஃப்.சி மகளிர் ஆசிய கோப்பை போட்டிக்காக தயாராகின்றனர்.
39 வயதான இவர், கோஸ்டா ரிக்காவைச் சேர்ந்தவர் ஆவார். இவர், 2011 முதல் பயிற்சியாளராக பணியாற்றுகிறார். மேலும், இவர், கோஸ்டா ரிக்கா தேசிய அணியின் நீண்ட கால பயிற்சியாளராக 2015 முதல் 2023 வரை தலைமை பயிற்சியாளராக இருந்தார். இதுமட்டுமின்றி, 2015 மற்றும் 2023 FIFA Women’s World Cup போட்டிகளில் கோஸ்டா ரிக்கா அணியை வழிநடத்தியுள்ளார். இந்நிலையில், 2026 ஜனவரி 20 அன்று (ஏ.ஐ.எஃப்.எஃப்) இந்திய கால்பந்து சங்கம் அதிகாரப்பூர்வமாக அறிவித்துள்ளது.
இவர், உலகக் கோப்பை அனுபவம் கொண்ட பயிற்சியாளர் என்பதால் இந்திய அணிக்கு புதிய தந்திரங்கள் மற்றும் வலுவான போட்டித் திறன்களை வழங்குவார் என எதிர்பார்க்கப்படுகிறது. மேலும், இந்திய மகளிர் கால்பந்தின் வளர்ச்சிக்கு வால்வெர்டேவின் அனுபவம் முக்கிய பங்காற்றும் எனவும் எதிர்பார்க்கப்படுகிறது.
இதையும் படிங்க: இந்தோனேசியா பேட்மிண்டன் போட்டிகள்.. இந்திய வீராங்கனைகள் முன்னேற்றம்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
