ஈரானுடன் வணிகமா? 25 சதவீதம் வரி- பொருளாதார தண்டனை.. எச்சரிக்கும் அமெரிக்கா!

Donald Trump : ஈரானுடன் வணிகம் செய்யும் நாடுகளுக்கு அமெரிக்கா பொருளாதார தண்டனை அளிக்கும் என எச்சரித்துள்ளார் அமெரிக்க அதிபர் டொனால்ட் ட்ரம்ப்.

அமெரிக்க அதிபர் டொனால்ட் ட்ரம்ப்

BySaranya JK

Published on: January 13, 2026 at 8:54 pm

வாஷிங்டன், ஜன.13, 2026: ஈரான் நாட்டுடன் வணிகம் செய்யும் நாடுகளுக்கு 25% சுங்கவரி விதிக்கப்படும் என அமெரிக்க அதிபர் டொனால்ட் டிரம்ப் அறிவித்துள்ளார்.

இது தொடர்பாக அவர் இன்று (ஜன.13, 2026) சமூக ஊடகத்தில் வெளியிட்ட பதிவில், “ஈரானுடன் வணிகம் செய்யும் எந்த நாடும், அமெரிக்காவுடன் நடைபெறும் அனைத்து வர்த்தகங்களிலும் 25% சுங்கவரி உடனடியாக விதிக்கப்படும்” என்று டிரம்ப் தெரிவித்துள்ளார்.
இந்நிலையில், வெள்ளை மாளிகை வெளியிட்ட தகவலில், ஈரானை சமாளிப்பதில் அனைத்து விருப்பங்களும் திறந்த நிலையில் உள்ளன. அதில் இராணுவ நடவடிக்கையும் அடங்கும். இருப்பினும், முதன்மை விருப்பமாக தூதரக வழிமுறைகளையே டிரம்ப் முன்னிலைப்படுத்துகிறார் என கூறப்பட்டுள்ளது.

இதற்கிடையில், ஊடகங்களுடன் பேசிய அமெரிக்க பத்திரிகைச் செயலாளர் கரோலின் லெவிட், “ஈரானிலிருந்து வரும் தனிப்பட்ட தூதரகச் செய்திகள், பொதுவாக வெளியிடப்படும் அறிக்கைகளிலிருந்து வேறுபட்டாலும், அவற்றை ஆராய்வதில் டிரம்ப் ஆர்வமாக உள்ளார். தேவையான சூழலில் இராணுவத்தைப் பயன்படுத்துவதில் அவர் அஞ்சுவதில்லை” எனக் கூறினார்.

இந்த நிலையில், இரானில் பரவலான போராட்டங்கள் தொடர்ந்து நடைபெற்று வருகின்றன. அதிக பணவீக்கம், பொருளாதார சிரமம் மற்றும் ஆட்சியின்மீது மக்கள் கோபம் காரணமாக போராட்டங்கள் தீவிரமடைந்துள்ளன. அமெரிக்காவைச் சேர்ந்த மனித உரிமை அமைப்பின் தகவலின்படி, இதுவரை 600க்கும் மேற்பட்டோர் உயிரிழந்துள்ளனர்; 10,000க்கும் மேற்பட்டோர் கைது செய்யப்பட்டுள்ளனர்.

இதையும் படிங்க : வங்கதேசத்தில் சுற்றுப்போட்ட வன்முறை கும்பல்.. தப்பிக்க ஆற்றில் குதித்த இந்து மரணம்!