Dhurandhar Box office Collection: பிரபல பாலிவுட் திரைப்படமான துரந்தர் வசூலில் மிகப்பெரிய சாதனை படைத்து வருகிறது. இந்நிலையில், படம் வெளியாகி 24 நாள்கள் கடந்துள்ள நிலையில் உலகளவில் படத்தின் வசூல் நிலவரம் குறித்து பார்க்கலாம்.
Dhurandhar Box office Collection: பிரபல பாலிவுட் திரைப்படமான துரந்தர் வசூலில் மிகப்பெரிய சாதனை படைத்து வருகிறது. இந்நிலையில், படம் வெளியாகி 24 நாள்கள் கடந்துள்ள நிலையில் உலகளவில் படத்தின் வசூல் நிலவரம் குறித்து பார்க்கலாம்.
Published on: December 29, 2025 at 3:41 pm
மும்பை, டிச.29, 2025: பிரபல டைரக்டர் ஆதித்யா தரின் அசைக்க முடியாத ‘துரந்தர்’ பாக்ஸ் ஆபிஸில் இன்னொரு உச்சியை எட்டியுள்ளது.
இத்திரைப்படம் டிசம்பர் 28, அதன் நான்காவது ஞாயிற்றுக்கிழமை, உலகளாவிய பாக்ஸ் ஆபிஸில் ₹1050 கோடி வருவாயை கடந்தது. இதன் மூலம் இரண்டு பெரிய பிளாக்பஸ்டர் படங்களை முந்தி, அதிக வசூல் செய்த இந்திய திரைப்படங்களில் 7வது இடத்தை பிடித்துள்ளது.
துரந்தர் பாக்ஸ் ஆபீஸ் கலெக்ஷன்ஸ்
‘துரந்தர்’ பாக்ஸ் ஆபிஸில் 2வது மற்றும் 3வது வாரங்களில் சாதனை வசூல் செய்ததோடு, 4வது வார இறுதியிலும் அதிரடி காட்டியது.இதற்கு முன்பு எந்த இந்தியப் படம் 4வது வார இறுதியில் ₹30 கோடிக்கு மேல் வசூலிக்கவில்லை. ஆனால் ரன்வீர் சிங் நடித்த இந்த படம், 22-24ஆம் நாட்களில் ₹62 கோடி வசூலித்து அந்த சாதனையை முறியடித்தது.
இதனால், படத்தின் இந்திய வருவாய் ₹690.25 கோடி (நெட்) மற்றும் ₹828.25 கோடி (கிராஸ்) என உயர்ந்துள்ளது. திங்கட்கிழமை அல்லது அதிகபட்சம் செவ்வாய்க்குள், இந்த படம் ₹700 கோடி வருவாய் மைல்கல்லை எட்டும் என எதிர்பார்க்கப்படுகிறது.
இது சாத்தியமானால், ஹிந்தியில் (புஷ்பா 2 டப் செய்யப்பட்ட பதிப்புக்குப் பிறகு) அந்த மைல்கல்லை எட்டிய இரண்டாவது படமாக ‘துரந்தர்’ அமையும்.
பதான், கல்கி சாதனை முறியடிப்பு
‘துரந்தர்’ ஞாயிற்றுக்கிழமை உலகளவில் ₹30 கோடிக்கு மேல் வசூல் செய்தது. இதன் மூலம், பிரபாஸ் நடித்த ‘கால்கி 2898 AD’ (₹1042 கோடி) மற்றும் ஷாருக் கான் நடித்த ‘பதான்’ (₹1055 கோடி) ஆகிய படங்களின் இறுதி வசூலை முந்தியது.
இப்போது இந்த படம் ‘ஜவான்’ (₹1160 கோடி), ‘கேஜிஎப் அத்தியாயம் 2’ (₹1215 கோடி), மற்றும் ‘RRR’ (₹1230 கோடி) ஆகியவற்றின் வசூலை நோக்கி செல்கிறது. மிக உயர்ந்த இடத்தில் உள்ள ‘தங்கல்’, ‘பாகுபலி 2’, மற்றும் ‘புஷ்பா 2’ ஆகியவை அனைத்தும் ₹1700 கோடிக்கு மேல் வசூல் செய்துள்ளன.
எனவே, ‘துரந்தர்’ அந்த அளவுக்கு செல்வது சாத்தியமில்லை என கருதப்படுகிறது.
இதையும் படிங்க :அவதார் ஃபயர் அண்ட் ஆஷ்.. முதல் வார வசூல் ரிப்போர்ட்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
