இந்திய பாக்ஸ்ஆபிஸில் அவதார்-ஐ தோற்கடித்த துரந்தர்.. எவ்வளவு வசூல் தெரியுமா?

Dhurandhar box office : இந்தியன் பாக்ஸ்ஆபிஸில் துரந்தர் திரைப்படம், அவதார் திரைப்படத்தின் வசூலை தோற்கடித்துள்ளது.

அவதார், துரந்தர்

ByAkila Ramakrishnan

Published on: December 22, 2025 at 5:30 pm

சென்னை, டிச.22, 2025: பாலிவுட் நடிகர் ரன்வீர் சிங் நடித்த ‘துரந்தர்’ திரைப்படம் வசூலில் தொடர்ந்து வெற்றியை பதிவு செய்துவருகிறது. ஆதித்யா தர் இயக்கியுள்ள இப்படம், வசூலில் முன்னணி வகித்து வருகிறது.

இந்த நிலையில் ஜேம்ஸ் கேமரூனின் அவதார் திரைப்படம் துரந்தர் வசூலை பாதிக்கக் கூடும் என எதிர்பார்க்கப்பட்டது. ஏனெனில், துரந்தர் படத்துக்கு கூடுதல் ஸ்கீரின் கிடைப்பதில் சிக்கல் ஏற்பட்டது. எனினும், துரந்தர் திரைப்படம் ஜேம்ஸ் கேமரூனின் அவதார் ஃபயர் அண்ட் ஆஷ் திரைப்படத்தின் வசூலை இந்திய பாக்ஸ் ஆபிஸில் முறியடித்துள்ளது.

பாக்ஸ் ஆபிஸ் வசூல்

‘துரந்தர்’ இந்தியாவில் டிசம்பர் 5 அன்று 5500 திரைகளில் வெளியானது. இப்படம், முதல் வாரத்தில் ₹200 கோடி நிகர வசூல் பெற்றது. தொடர்ந்து, இரண்டாம் வாரத்தில் மேலும் ₹250 கோடி சேர்த்தது.
அந்த வகையில், டிசம்பர் 19 வரை, இந்தியாவில் மொத்த வசூல் ₹460 கோடி என பதிவாகியுள்ளது.
இதில் ₹14 கோடி IMAX திரையிடலிலிருந்து வந்தது. இப்படம், இரண்டு வாரங்கள் IMAX-இல் ஓடியது. டிசம்பர் 19 அன்று, மூன்றாம் வாரம் தொடங்கியபோது, ‘துரந்தர்’ படத்தின் திரை எண்ணிக்கை குறைந்தது.

ஜேம்ஸ் கேமரனின் ‘அவதார்: ஃபயர் அண்ட் ஆஷ்’ இந்தியாவில் 3800 திரைகளில் வெளியானது. இதனால் துரந்தர் திரைப்படம் வெளியிட்ட தியேட்டர்கள் குறைக்கப்பட்டன. இதனால், ‘துரந்தர்’ படத்தின் திரை எண்ணிக்கை சுமார் 40% குறைந்தது. இந்த நிலையிலும், ‘அவதார்: ஃபயர் அண்ட் ஆஷ்’ இந்தியாவில் மெதுவான தொடக்கத்தை பெற்றது.

முதல் நாளில் படம் ₹19 கோடி வசூல் செய்தது. அதே நாளில், ‘துரந்தர்’ ₹22.50 கோடி வசூலுடன் சிறப்பாக தொடங்கியது. முதல் நாள் போட்டி நெருக்கமாக இருந்தாலும், சனிக்கிழமை முதல் ‘துரந்தர்’ முன்னிலை பெற்றது. சனி மற்றும் ஞாயிற்றுக்கிழமைகளில், படம் பெரிய அளவில் உயர்ந்து, மொத்தத்தில் ₹73 கோடி நிகர வசூல் சேர்த்தது.

அதே காலகட்டத்தில், ‘அவதார்: ஃபயர் அண்ட் ஆஷ்’ வெறும் ₹48 கோடி மட்டுமே வசூலித்தது. சனி மற்றும் ஞாயிற்றுக்கிழமைகளில் ‘அவதார்’ வசூலில் குறைந்த அளவிலான உயர்வு மட்டுமே காணப்பட்டது.
இந்த நிலையில், இந்திய பாக்ஸ் ஆபிஸில் ‘துரந்தர்’ படத்தின் வலுவான ஆதிக்கத்தை வெளிப்படுத்துகிறது என்பது குறிப்பிடத்தக்கது.

இதையும் படிங்க : அவதார் ஃபயர் அண்ட் ஆஷ்.. இரண்டு நாளில் இத்தனை மில்லியன் டாலர் வசூலா? அதிர்ந்த திரையுலகம்!