மு.க ஸ்டாலின் கோவை வருகை.. பள்ளிகளுக்கு அரைநாள் விடுமுறை.. அண்ணாமலை பரபரப்பு கேள்வி

Annamalai questions DMK Govenment: முதலமைச்சர் மு.க ஸ்டாலின் வருகைக்காக பள்ளிகளுக்கு ஏன் விடுமுறை அளிக்க வேண்டும் என பாரதிய ஜனதா கட்சியின் முன்னாள் தலைவர் அண்ணாமலை கேள்வியெழுப்பியுள்ளார்.

ஸ்டாலின், கு. அண்ணாமலை

BySaranya JK

Published on: October 10, 2025 at 12:36 pm

கோவை, அக்.10, 2025: தமிழக முதலமைச்சர் மு.க ஸ்டாலின் வியாழக்கிழமை (அக்.9, 2025) கோவை சென்றிருந்தார். அங்கு அவர், தமிழகத்தின் மிக நீளமான மேம்பாலம் திறப்பு மற்றும் பல்வேறு நலத்திட்ட உதவிகளை தொடங்கிவைத்தார்.
இந்த நிலையில், அங்குள்ள பள்ளி ஒன்றுக்கு அரை நாள் விடுமுறை அளித்ததாக கூறப்படுகிறது.
இது குறித்து கேள்வியெழுப்பியுள்ளார் பாரதிய ஜனதா கட்சியின் முன்னாள் தலைவர் அண்ணாமலை. அவர் பேசுகையில், “முதல்வர் மு.க ஸ்டாலின் வருகைக்காக கோவையில் அரைநாள் பள்ளிகளுக்கு விடுமுறை அளிக்கப்பட்டுள்ளது.

இதுபோன்று விடுமுறை அளிப்பது மக்களுக்கு பிடிக்கவில்லை” என்றார். மேலும், “பள்ளிகளுக்கு ஏன் விடுமுறை அளிக்க வேண்டும்” என்றும் அவர் கேள்வியெழுப்பினார்.

திருமாவளவனுக்கு இசட் பிரிவு பாதுகாப்பு?

இதையடுத்து, வி.சி.க தலைவரும், மக்களவை உறுப்பினருமான தொல். திருமாவளவனுக்கு இசட் பிரிவு பாதுகாப்பு வழங்கப்பட வேண்டும் என கோரிக்கை எழுகிறதே என்ற கேள்வி அண்ணாமலையிடம் எழுப்பப்பட்டது.

இதற்கு பதிலளித்த அவர், “விடுதலை சிறுத்தைகள் கட்சியினர் நடந்துகொண்ட விதத்தை தொல். திருமாவளவன் ஏற்றுக் கொள்வாரா? என்றார்.
மேலும், “தலைமை நீதிபதியை தாக்கியதை கண்டித்து நடந்த கூட்டத்துக்கு சென்றுவந்த வி.சி.க.வினரே வழக்குரைஞரை தாக்குதல் நடத்தினார் எப்படி? எனவும் கேள்வி எழுப்பினார்.

இதையும் படிங்க : தமிழ்நாடு வந்த மத்தியப் பிரதேச போலீஸ்.. பிரபல மருந்து தயாரிப்பாளர் கைது!