ஹோலி வண்ணங்களை மாணவிகள் மீது பூசிய சாமியார்… டெல்லியில் அடுத்த பரபரப்பு!

Chaitanyananda sexual harassment case: டெல்லி சாமியார் சைதன்யானந்தா மீதான பாலியல் துன்புறுத்தல் வழக்கில் பல திடுக்கிடும் தகவல்கள் வெளியான வண்ணம் உள்ளன.

டெல்லி சாமியார் சைதன்யானந்தா

BySaranya JK

Published on: September 27, 2025 at 11:34 am

புதுடெல்லி, செப்.27, 2025: புதுடெல்லியை சேர்ந்த சைதன்யானந்த சரஸ்வதி சாமியாரை சுற்றியுள்ள பாலியல் குற்றச்சாட்டில் பல்வேறு திடுக்கிடும் தகவல்கள் வெளியான வண்ணம் உள்ளன. மாணவிகளிடையே பயத்தை ஏற்படுத்துவதற்காக அவர் அவர்களின் தொலைபேசிகள் மற்றும் சான்றிதழ்களைப் பறிமுதல் செய்ததாகவும், புகார் அளித்தால் மதிப்பெண்களைக் குறைப்பதாக மிரட்டியதாகவும் புகார்கள் எழுந்துள்ளன.

மாணவிகளுக்கு தொல்லை- ரூ.122 கோடி முறைகேடு

மேலும், “பேபி, நான் உன்னை நேசிக்கிறேன்” போன்ற தகாத குறுஞ்செய்திகளை ஒரு மாணவிக்கு அனுப்பியதாகவும் கூறப்படுகிறது. அதாவது, புது டெல்லியில் உள்ள ஸ்ரீ சாரதா இந்திய மேலாண்மை ஆராய்ச்சி நிறுவனத்தின் முன்னாள் தலைவரான சைதன்யானந்த சரஸ்வதி, பெண் மாணவர்களை பாலியல் வன்கொடுமை செய்ததாக புகார்களை எதிர்கொள்கிறார். மேலும், ரூ.122 கோடி மதிப்புள்ள அறக்கட்டளை தொடர்பான நிதி முறைகேடுகளில் ஈடுபட்டதாகவும் குற்றச்சாட்டுகளை எதிர்கொள்கிறார்.

இதையும் படிங்க : பேபி ஐ லவ் யூ.. மாணவிகளுக்கு ஆபாச மேசேஜ் அனுப்பிய சாமியார்!

ஹோலி வண்ணம் பூசிய….

இதற்கிடையில், ஹோலி கொண்டாட்டத்தின் போது பெண் மாணவிகள் வரிசையில் நிற்க வைக்கப்பட்டு, சுவாமி சைதன்யானந்த சரஸ்வதி தான் முதலில் கன்னங்களில் வண்ணம் பூசுவார் என்று கூறப்படுகிறது. இது தொடர்பாக போலீசாரின் முதல் தகவல் அறிக்கையில் (எஃப்.ஐ.ஆர்) “ஒவ்வொரு மாணவரும் ‘ஹரியோம்’ என்று சொல்லி அவருக்கு முன்னால் வணங்க வேண்டும், அதன் பிறகு அவர் தங்கள் கன்னங்களில் வண்ணம் பூசுவார்” எனத் தெரிவிக்கப்பட்டுள்ளது.

யார் யாருக்கு தொல்லை?

இதில் பாலியல் வன்கொடுமைக்கு ஆளானதாகக் கூறப்படும் மாணவிகள், அந்த நிறுவனத்தில் பொருளாதார ரீதியாக நலிவடைந்த பிரிவு (EWS) உதவித்தொகையின் கீழ் PGDM படிப்புகளைத் தொடர்ந்து வந்துள்ளனர்.
இது குறித்து அப்பகுதியை சேர்ந்த ஒருவர் கூறுகையில், “அவரை எதிர்த்தால் அவர்களின் தொழில் வாழ்க்கை அழிக்கப்படும் என்று பெண்கள் அடிக்கடி எச்சரிக்கப்பட்டனர். சிலர் நிறுவனத்திலிருந்து வெளியேற்றப்பட்டனர். இறுதியாக, ஒருவர் தனது குரலை உயர்த்தத் துணிந்தார்” என்றார்.

இதையும் படிங்க : கள்ளக் காதலி மகனுக்கு பாலியல் தொல்லை.. சர்ஜரி செய்ய வற்புறுத்தல்!