ஆம் ஆத்மி பிரமுகர் மகள் கனடாவில் மரணம்; கடற்கரையில் பிணமாக கிடந்தார்!

Canada: 4 நாட்களுக்கு முன்பு மாயமான ஆம் ஆத்மி கட்சித் தலைவரின் மகள் கனடா கடற்கரை அருகே பிணமாக கண்டெடுக்கப்பட்டார். இது பெரும் பரபரப்பை ஏற்படுத்தியுள்ளது.

ஆம் ஆத்மி பிரமுகர் மகள் வான்ஷிகா சைனி

Daughter of AAP leader found dead near Canada beach

ByLeela Sankar

Published on: April 29, 2025 at 1:32 pm

ஓட்டாவா, ஏப்.29 2025: பஞ்சாப் மாநிலம் டெரா பாசியைச் (Dera Bassi) சேர்ந்த ஆம் ஆத்மி கட்சி (ஏஏபி) தலைவரின் 21 வயது மகள் வான்ஷிகா சைனி மர்மமான முறையில் உயிரிழந்த நிலையில் கனடா கடற்கரையில் கண்டெடுக்கப்பட்டார்.

ஆம் ஆத்மி பிரமுகர் டேவிந்தர் சைனியின் மகள் வான்ஷிகா சைனியின் உடல் ஒட்டாவாவில் உள்ள கடற்கரைக்கு அருகில் கண்டெடுக்கப்பட்டது. இவர், ஏப்ரல் 22 முதல் தான் தங்கியிருந்த வாடகை வீட்டில் இருந்து மாயமானார்.

இத குறித்து மூத்த காவல் அதிகாரி ஒருவர், “அவர் காவல்துறையை அணுகினார்.அதைத் தொடர்ந்து ஒட்டாவாவில் உள்ள தூதரகத்தை ஆன்லைனில் தொடர்பு கொள்ளவும், காணாமல் போனது குறித்து புகாரளிக்கவும் அவருக்கு அறிவுறுத்தப்பட்டது” என்றார். இதற்கிடையில், குடும்பத்தினர் உடலை இங்கு கொண்டு வர உதவுமாறு கட்சி எம்.பி.க்கள் ராஜ் குமார் சப்பேவால், பல்பீர் சிங் சீசெவால் மற்றும் பிற மூத்த தலைவர்களிடம் தெரிவித்ததாக எம்.எல்.ஏ மேலும் கூறினார்.

இந்த நிலையில், தேரா பாசியில் தனது சீனியர் செகண்டரி படிப்பை முடித்த பிறகு, ஏப்ரல் 18 அன்று கனடாவில் சுகாதாரப் படிப்பில் இரண்டு வருட பட்டம் பெற்ற வான்ஷிகா, ஏதோ ஒரு கால் சென்டரில் பணிபுரிந்தார், பின்னர் ஒரு தனியார் மருத்துவமனையில் வேலை பெற்றார். அவர் வேலைக்குச் சென்றார், ஆனால் திரும்பவில்லை என அவரது தோழி தெரிவித்துள்ளார்.

இதையும் படிங்க : கனடாவில் இந்திய மாணவி மீது துப்பாக்கிச் சூடு.. பரபரப்பு தகவல்கள்!