பெங்களூரு மக்களுக்கு குட் நியூஸ்; இந்த கோடையில் அதிக மழைக்கு வாய்ப்பு!

summer rains in 2025: இந்த ஆண்டு (2025) கோடை காலத்தில் பெங்களூருவில் அதிக மழை பொழிய வாய்ப்புகள் உள்ளதாக இந்திய வானிலை ஆய்வு மையம் முன்னறிவித்துள்ளது.

பெங்களூருவில் மழைக்கு வாய்ப்பு

IMD says Bengaluru likely to more summer rains in 2025

BySaranya JK

Published on: April 27, 2025 at 9:51 am

பெங்களூரு, ஏப்.27 2025: கர்நாடக மாநிலம் பெங்களூருவில் இந்த ஆண்டு முந்தைய ஆண்டுகளை விட அதிக கோடை மழை பெய்ய வாய்ப்புள்ளதாக இந்திய வானிலை ஆய்வு மையம் தெரிவித்துள்ளது.
இது குறித்து பேசிய வானிலை அதிகாரிகள், “ஈரப்பதமான காற்றின் உயர்வு மற்றும் அதன் பின்னர் ஏற்படும் குளிர்ச்சியால் ஏற்படும் வெப்பச்சலன மழையின் அதிகரிப்பே இந்த மாற்றத்திற்குக் காரணம்” என்றனர்.

கடந்த ஆண்டு பெங்களூருவில் வெப்பமான மற்றும் நீடித்த வறட்சி நிலவியது. இந்த ஆண்டு அதுபோலல்லாமல், மாநிலத்தில் பருவமழைக்கு முந்தைய மழை குறிப்பிடத்தக்க அளவில் அதிகரித்து வருவதாக அறிக்கை கூறுகிறது.

இந்த நிலையில், பெங்களூரு வானிலை மையத்தின் தலைவர் என். புவியரசன், “இந்த நிகழ்வின் காரணமாக, இந்த ஆண்டு பெங்களூருவில் கோடை மழை அதிகமாக பெய்யும்” என்றார்.

மேலும், செவ்வாய்க்கிழமை (ஏப்.29 2025) முதல் வெள்ளிக்கிழமை (மே2 2025) வரை பெங்களூரு முழுவதும் பலத்த காற்று மற்றும் மின்னலுடன் கூடிய லேசானது முதல் மிதமான இடியுடன் கூடிய மழை பெய்யும்” என்றார். இதற்கிடையில், அடுத்த இரண்டு நாட்களில் பகல்நேர வெப்பநிலை 34°C முதல் 23°C வரை இருக்கும் என்றும் இந்திய வானிலை ஆய்வு மையம் (IMD) தெரிவித்துள்ளது.

இதையும் படிங்க : 15வது வேலை வாய்ப்பு மேளா; 51 ஆயிரம் பேருக்கு நியமனக் கடிதம் வழங்கிய பிரதமர் மோடி!