முதல்வரை சந்தித்த பிரேமலதா.. நன்றி கூறிய மு.க ஸ்டாலின்.!

Premalatha Vijayakanth meets Chief Minister MK Stalin: தமிழக முதலமைச்சர் மு க ஸ்டாலினை சந்தித்த தேமுதிக பொதுச்செயலாளர் பிரேமலதா விஜயகாந்த், அவரின் உடல்நலம் குறித்து கேட்டறிந்தார்.

மு க ஸ்டாலினிடம் உடல் நலம் குறித்து கேட்டறிந்த பிரமலதா விஜயகாந்த்

BySaranya JK

Published on: July 31, 2025 at 2:17 pm

சென்னை ஜூலை 31 2025: தமிழக முதலமைச்சர் மு.க ஸ்டாலின் கடந்த வாரம் உடல் நல பிரச்சனையை எதிர்கொண்டார். இதனால் அவர் சென்னையில் உள்ள தனியார் மருத்துவமனை ஒன்றில் அனுமதிக்கப்பட்டார்.
அங்கு மருத்துவர்கள் அவரை மூன்று நாட்கள் ஓய்வில் இருக்கும் படி அறிவுறுத்தினார்கள். தொடர்ந்து அவருக்கு இதயம் தொடர்பான சிகிச்சையும் அளிக்கப்பட்டது. இந்த சிகிச்சை முடிந்து முக ஸ்டாலின் வீடு திரும்பி உள்ளார்.

இந்த நிலையில் தேமுதிக பொதுச்செயலாளர் பிரேமலதா விஜயகாந்த், முதலமைச்சர் மு க ஸ்டாலினை சந்தித்து பேசினார். அப்போது மு க ஸ்டாலினிடம் உடல் நலம் குறித்து கேட்டறிந்தார்.
இந்த சந்திப்பு சில நிமிடங்கள் நீடித்தது. இந்தச் சந்திப்பின்போது மு க ஸ்டாலின் மனைவி துர்கா ஸ்டாலின், மகனும் துணை முதலமைச்சர்ருமான உதயநிதி ஸ்டாலின் ஆகியோர் உடன் இருந்தனர்.

அரசியல் பேசவில்லை.. பிரேமலதா விஜயகாந்த்

முதலமைச்சர் மு க ஸ்டாலினை சந்தித்த நிலையில் தாங்கள் அரசியல் எதுவும் பேசவில்லை என தேமுதிக பொதுச் செயலாளர் பிரேமலதா விஜயகாந்த் பேட்டி அளித்தார்.
இது பற்றி பேசிய அவர், ” முதலமைச்சர் மு க ஸ்டாலினை சந்தித்ததில் 100% அரசியல் காரணங்கள் இல்லை; மு க ஸ்டாலின் உடல்நலம் குறித்து கேட்டறிந்தேன். நட்பு ரீதியாக முதலமைச்சர் மு க ஸ்டாலினை சந்தித்தேன்” என்றார்.

மு க ஸ்டாலின் நன்றி

தனது உடல்நலம் குறித்து பிரேமலதா விஜயகாந்த் கேட்டறிந்த நிலையில் அவருக்கு நன்றி தெரிவித்து ட்விட்டர் எக்ஸ் தளத்தில் பதிவிட்டுள்ளார் முதலமைச்சர் மு க ஸ்டாலின்.

அந்த பதிவில் தனது உடல் நலம் குறித்து நேரில் சந்தித்து நலம் விசாரித்த தேமுதிக பொதுச்செயலாளர் பிரேமலதாவிற்கு நன்றி என தெரிவித்துள்ளார்.

இதையும் படிங்க பிரதமர் நரேந்திர மோடி, சோழர் வாரிசுகளை சந்திக்க வேண்டும்.. மருத்துவர் ராமதாஸ்