Cauvery water: காவிரியில் இருந்து தமிழ்நாட்டுக்கு அடுத்த 15 நாள்களுக்கு 12 ஆயிரம் வினாடி கனஅடி நீர் திறக்க உத்தரவு பிறப்பிக்கப்பட்டுள்ளது.
Cauvery water: காவிரியில் இருந்து தமிழ்நாட்டுக்கு அடுத்த 15 நாள்களுக்கு 12 ஆயிரம் வினாடி கனஅடி நீர் திறக்க உத்தரவு பிறப்பிக்கப்பட்டுள்ளது.
Published on: August 12, 2026 at 12:58 pm
புதுடெல்லி, ஆக.12, 2026: காவிரி நதிநீர் ஒழுங்காற்றுக் குழு, கர்நாடகா அரசு அடுத்த 15 நாட்களுக்கு வினாடிக்கு 12,000 கனஅடி வீதம் தமிழ்நாட்டிற்கு தண்ணீர் திறந்து விட வேண்டும் என்று உத்தரவிட்டுள்ளது. தமிழகம் மற்றும் கர்நாடகா இடையே நீடித்து வரும் காவிரி நதிநீர் பகிர்வு பிரச்சனையின் சூழலில் இந்த உத்தரவு வெளியிடப்பட்டுள்ளது.
இதற்கு முன்பு, ஜூலை 28ஆம் தேதி நடைபெற்ற கூட்டத்தில், வினாடிக்கு 3,500 கனஅடி வீதம் தண்ணீர் திறந்து விடுமாறு கர்நாடகாவுக்கு உத்தரவிடப்பட்டது. ஆனால் தமிழ்நாடு அரசு, கர்நாடகா உரிய அளவு தண்ணீர் திறக்கவில்லை என்று குற்றம்சாட்டியது. பிலிகுண்டுலு வழியாக ஜூலை 29 முதல் ஆகஸ்ட் 2 வரை, வினாடிக்கு 158 முதல் 550 கனஅடி வரை மட்டுமே தண்ணீர் திறக்கப்பட்டதாக தமிழ்நாடு தெரிவித்தது.
இந்த குற்றச்சாட்டுகளைத் தொடர்ந்து, குழுவின் தலைவர் வினீத் குப்தா தலைமையில் நடைபெற்ற கூட்டத்தில், கர்நாடகா அரசு தமிழ்நாட்டிற்கு வினாடிக்கு 12,000 கனஅடி வீதம் தண்ணீர் திறக்க வேண்டும் என்று புதிய உத்தரவு பிறப்பிக்கப்பட்டது.
இதற்கிடையில், தமிழக அரசு உச்சநீதிமன்றத்தில் மனு தாக்கல் செய்துள்ளது. முதலமைச்சர் ஜோசப் விஜய் தலைமையிலான அரசு, கர்நாடகா உரிய அளவு தண்ணீர் திறக்கவில்லை என்று வாதிட்டு, உச்சநீதிமன்றத்தில் ஆகஸ்ட் 3ஆம் தேதி மனு தாக்கல் செய்தது.
அந்த மனுவை பரிசீலித்த உச்சநீதிமன்றம், வழக்கை ஆகஸ்ட் 13ஆம் தேதி விசாரிக்க ஒப்புதல் அளித்துள்ளது. தலைமை நீதிபதி சூர்யகாந்த் தலைமையிலான அமர்வில், தமிழ்நாடு சார்பில் வழக்கறிஞர், இந்த ஆண்டு போதிய மழை இல்லாததால் தமிழ்நாடு உரிய அளவு நீரைப் பெறவில்லை என்று வாதிட்டார். நீதிபதிகள் இதனை ஏற்று, வழக்கை ஆகஸ்ட் 13ஆம் தேதி விசாரிக்க தீர்மானித்துள்ளனர்.
இதையும் படிங்க : சிந்து சமவெளி எழுத்துகள் என்ன பேசுகின்றன? 1 மில்லியன் டாலர் பரிசு யாருக்கு?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
