Anbumani Ramadoss: ‘உங்களுடன் ஸ்டாலின்’ ஊரை ஏமாற்றும் திட்டம் என விமர்சித்துள்ளார் பா.ம.க. தலைவர் அன்புமணி ராமதாஸ்.
Anbumani Ramadoss: ‘உங்களுடன் ஸ்டாலின்’ ஊரை ஏமாற்றும் திட்டம் என விமர்சித்துள்ளார் பா.ம.க. தலைவர் அன்புமணி ராமதாஸ்.
Published on: July 9, 2025 at 7:09 pm
சென்னை, ஜூலை 9 2025: பா.ம.க தலைவர் அன்புமணி ராமதாஸ் இன்று (புதன்கிழமை) விடுத்துள்ள அறிக்கையில், “‘உங்களுடன் ஸ்டாலின்’ ஊரை ஏமாற்றும் திட்டம்” என விமர்சித்துள்ளார்.
இது குறித்து அவர் விடுத்துள்ள அறிக்கையில், “தமிழ்நாட்டு மக்களுக்கு அரசின் சேவைகளை வழங்குவதற்காக உங்களுடன் ஸ்டாலின் திட்ட முகாம்கள் வரும் 15&ஆம் தேதி தொடங்கி திசம்பர் 14&ஆம் தேதி வரை நடைபெறும் என்று அறிவிக்கப்பட்டிருக்கிறது. மக்களுக்கு தினமும் வழங்கப்பட வேண்டிய உணவை வழங்காமல் பறித்து வைத்துக் கொண்டு ஐந்தாண்டுக்கு ஒருமுறை வழங்குவது எவ்வளவு பெரிய ஏமாற்று வேலையோ, அதைவிட மோசமான ஏமாற்று வேலை தான் ‘உங்களுடன் ஸ்டாலின்’ திட்டம் ஆகும். இத்திட்டத்தின் பெயரால் மக்களை அரசு ஏமாற்றுவது கண்டிக்கத்தக்கது” எனக் குறிப்பிட்டுள்ளார்.
மேலும், “‘உங்களுடன் ஸ்டாலின்’ திட்ட முகாம்கள் தமிழ்நாட்டில் வரும் 15&ஆம் தேதி முதல் நடத்தப்படவிருப்பதாகவும், அதன் மூலம் தமிழ்நாட்டு மக்களின் வாழ்க்கை தலைகீழாக மாறப்போவதாகவும் ஊடகங்களில் செய்திகள் பரப்பப்படுகின்றன. ஆனால், உண்மையில் இந்தத் திட்டத்தின் மூலம் தமிழ்நாட்டு மக்களுக்கு எந்தவிதமான புதிய திட்டங்களும் செயல்படுத்தப்பட போவதில்லை; யாருக்கும் எந்தப் பயனும் கிடைக்கவும் போவதில்லை” எனவும் விமர்சித்துள்ளார்.
தொடர்ந்து, “திமுக அரசு ஆட்சிக்கு வந்த நாள் முதலாகவே மக்களுக்கு எந்த நனமையையும் செய்யாமல், விளம்பரம் மட்டுமே செய்து ஏமாற்றிக் கொண்டிருக்கிறது. சேவை பெறும் உரிமைச் சட்டத்திலும் அதையே தான் செய்து கொண்டிருக்கிறது. இப்படியே மக்களை தொடர்ந்து ஏமாற்றி விடலாம் என்று திமுக அரசு நினைத்தால், இறுதியில் ஏமாறப்போவது அதுவாகத் தான் இருக்கும். எனவே, உங்களுடன் ஸ்டாலின் என்ற பெயரில் மக்களை ஏமாற்றுவதை விடுத்து சேவை உரிமைச் சட்டத்தை செயல்படுத்த தமிழக அரசு முன்வர வேண்டும்” எனக் கேட்டுக்கொண்டுள்ளார்.
இதையும் படிங்க : சத்துணவு அமைப்பாளர் தற்கொலை.. அரசு அதிகாரிகளை காப்பாற்றுவதா? அன்புமணி காட்டம்
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com