‘டெஸ்ட் கிரிக்கெட்டில் இருந்து விலகுகிறேன்’: விராத் கோலி

Virat Kohli announces Test retirement: டெஸ்ட் கிரிக்கெட் போட்டிகளில் இருந்து விலகுகிறேன் என விராத் கோலி அதிரடியாக அறிவித்துள்ளார்.

விராத் கோலி

ByPunitha Rajesh

Published on: May 12, 2025 at 2:41 pm

புதுடெல்லி, மே 12 2025: டெஸ்ட் கிரிக்கெட் போட்டிகளில் இருந்து விலகுகிறேன் என விராத் கோலி அறிவித்துள்ளார். ரோஹித் சர்மா டெஸ்ட் கிரிக்கெட்டில் இருந்து ஓய்வு பெறுவதாக அறிவித்த சில நாள்களுக்குப் பிறகு, விராட் கோலியிடம் இருந்து இந்த அறிவிப்பு வந்துள்ளது.

விராத் கோலி இன்ஸ்டாகிராம்

View this post on Instagram

A post shared by Virat Kohli (@virat.kohli)

இது குறித்து விராத் கோலி தனது இன்ஸ்டாகிராம் பக்கத்தில், “டெஸ்ட் கிரிக்கெட்டில் நான் முதன்முதலில் பேக்கி ப்ளூவை அணிந்து 14 ஆண்டுகள் ஆகின்றன.

நேர்மையாகச் சொன்னால், இந்த வடிவம் என்னை அழைத்துச் செல்லும் பயணம் என்று நான் நினைத்துப் பார்க்கவே இல்லை. அது என்னை சோதித்தது” எனத் தெரிவித்துள்ளார்.
மேலும், “என்னை வடிவமைத்தது, மேலும் நான் வாழ்நாள் முழுவதும் சுமந்து செல்லும் பாடங்களைக் கற்றுக் கொடுத்தது.
வெள்ளை நிற உடையில் விளையாடுவதில் தனிப்பட்ட ஒன்றும் உள்ளது. அமைதியான ஆட்டம், நீண்ட நாட்கள், யாரும் பார்க்காத சிறிய தருணங்கள் என இது நீள்கிறது” எனக் குறிப்பிட்டுள்ளார்.

டெஸ்ட்டில் இருந்து விலகல்

மேலும், “நான் இந்த (டெஸ்ட் கிரிக்கெட்) வடிவத்திலிருந்து விலகும்போது, அது எளிதானது அல்ல. ஆனால் இதை சரியானதாக உணர்கிறேன். என்னிடம் இருந்த அனைத்தையும் நான் அதற்குக் கொடுத்துள்ளேன், மேலும் நான் எதிர்பார்த்ததை விட இது எனக்கு மிக அதிகமாகத் திருப்பித் தந்துள்ளது” எனக் குறிப்பிட்டுள்ளார்.

டெஸ்ட்டில் விராத் கோலி

விராத் கோலி டெஸ்ட்டில் 123 போட்டிகள் ஆடியுள்ளார். இந்தப் போட்டிகள் மூலமாக அவர் 9,230 ரன்கள் குவித்துள்ளார். இதன் சராசரி 46.85 ஆகும். டெஸ்ட்டை பொறுத்தவரை விராத் கோலி 7 இரட்டை சதம் அடித்துள்ளார். மேலும், 30 சதங்கள் மற்றும் 31 அரை சதங்கள் அடித்துள்ளார். அவரின் அதிகப்பட்ச ரன் 254 ஆகும்.

இதையும் படிங்க : புதிய சாதனை படைத்த மகேந்திர சிங் தோனி; என்ன தெரியுமா?