Sunil Gavaskar: சுனில் கவாஸ்கர், இந்தியா–இங்கிலாந்து T20 உலகக் கோப்பை அரையிறுதியில் DJ-யின் இடையூறு குறித்து கடுமையாக விமர்சித்துள்ளார்.
Sunil Gavaskar: சுனில் கவாஸ்கர், இந்தியா–இங்கிலாந்து T20 உலகக் கோப்பை அரையிறுதியில் DJ-யின் இடையூறு குறித்து கடுமையாக விமர்சித்துள்ளார்.
Published on: March 7, 2026 at 11:33 am
புதுடெல்லி மார்ச் 7 2026; சுனில் கவாஸ்கர், இந்தியா–இங்கிலாந்து T20 உலகக் கோப்பை அரையிறுதியில் DJ-யின் இடையூறு குறித்து கடுமையாக விமர்சித்துள்ளார். அவர் “Boom Boom Bumrah” என ரசிகர்களை ஊக்குவித்த DJ-யின் செயல்கள், பந்துவீச்சாளரின் கவனத்தை கலைக்கக்கூடியவை என்றும், உலகக் கோப்பை போன்ற முக்கிய போட்டிகளில் இது ஏற்றுக்கொள்ள முடியாதது என்றும் கூறினார்.
சுனில் கவாஸ்கர் குற்றச்சாட்டு
வாங்கடே ஸ்டேடியத்தில், ஜஸ்ப்ரீத் பும்ரா தனது 16வது ஓவரில் பந்துவீசும் போது, DJ “Boom Boom Bumrah” என கூச்சலிட்டார். “இது பும்ராவின் கவனத்தை கலைக்கக்கூடியது, மேலும் ரசிகர்களை தவறான நேரத்தில் ஊக்குவிக்கிறது” என இந்திய கிரிக்கெட் அணியின் முன்னாள் வீரர் சுனில் கவாஸ்கர் குற்றம் சாட்டியுள்ளார்.
மேலும், 2026 உலகக் கோப்பை போட்டிகளில் DJ-க்கள் மற்றும் லேசர் ஷோ போன்ற “மாடர்ன் எண்டர்டெயின்மென்ட்” அம்சங்களை கவாஸ்கர் விமர்சித்துள்ளார். இது குறித்து மேலும் பேசியுள்ள சுனில் கவாஸ்கர், “உலகக் கோப்பை போன்ற முக்கிய போட்டிகளில், DJ-க்கள் மற்றும் பொழுதுபோக்கு அம்சங்கள் வீரர்களின் கவனத்தை கலைக்கக்கூடாது.
இதையும் படிங்க : சச்சின் தெண்டுல்கர் மருமகள்.. யார் இந்த சானியா சந்தோக்?
இத்தனைஇடையூறுகள் இருந்தபோதிலும், பும்ரா தனது பந்துவீச்சால் இந்தியாவுக்கு வெற்றியை பெற்றுத்தந்தார்” என்றார். மேலும், முன்னர் நடந்த தவறுகளிலிருந்து பாடம் கற்றுக்கொள்ளாமல், மீண்டும் இதே தவறுகளைச் செய்யக்கூடாது என வலியுறுத்திய சுனில் கவாஸ்கர் நாம் மீண்டும் மீண்டும் இதே தவறை செய்கிறோம் என்பதையும் சுட்டிக்காட்டினார்.
போட்டியில் இந்தியா வெற்றி
அன்றைய தினம் இந்தியா, இங்கிலாந்துக்கு எதிராக 7 ரன்கள் வித்தியாசத்தில் வெற்றி பெற்றது. பும்ரா தனது ஓவர்களில் சிறப்பாக பந்துவீசி, இந்தியாவின் வெற்றியை உறுதி செய்தார். இங்கிலாந்தின் ஜேக்கப் பெத்தல் ஆட்டத்தை கைப்பற்ற முயன்றபோது, பும்ராவின் பந்துவீச்சு முக்கிய பங்கு வகித்தது என்பது நினைவு கூறத்தக்கது.
இதையும் படிங்க : சிவம் துபேவிடம் மன்னிப்பு கேட்ட ஹர்த்திக் பாண்ட்யா.. மும்பை ஸ்டேடியத்தில் நடந்தது என்ன?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
