டி20 உலக கோப்பை அணியில் நிராகரிப்பு.. சுப்மன் கில் புதிய முடிவு!

Shubman Gill in Vijay Hazare Trophy: இந்திய கிரிக்கெட்டர் சுப்மன் கில் T20 உலகக் கோப்பை அணியில் நிராகரிக்கப்பட்ட நிலையில், அவர் விஜய் ஹசாரே கோப்பையில் களம் இறங்குவார் என்ற தகவல் வெளியாகியுள்ளது.

சுப்மன் கில்

ByPunitha Rajesh

Published on: December 22, 2025 at 5:47 pm

புதுடெல்லி, டிச.22, 2025: இந்திய கிரிக்கெட் அணியின் ஒருநாள் மற்றும் டெஸ்ட் அணித் தலைவர் சுப்மன் கில், தனது சர்வதேச வாழ்க்கையில் அரிதான பின்னடைவை சந்தித்துள்ளார். அதாவது, அவர் வரவிருக்கும் 2026ஆம் ஆண்டிற்கான T20 உலகக் கோப்பை அணியில் சேர்க்கப்படவில்லை.
இந்நிலையில், 25 வயதான கில், இந்த வாரம் மீண்டும் கவனத்திற்கு வந்துள்ளார். அதாவது, அவர் பஞ்சாப் அணியில் இடம்பெற்று, விஜய் ஹசாரே கோப்பை போட்டியில் விளையாட உள்ளார் எனத் தெரிவிக்கப்பட்டுள்ளது.

இதில், A தொடர் டிசம்பர் 24 அன்று தொடங்குகிறது. மேலும், அர்ஷ்தீப் சிங் மற்றும் அபிஷேக் சர்மா ஆகியோரும் பஞ்சாப் அணியில் சேர்க்கப்பட்டுள்ளனர்.

முன்னதாக, இந்திய கிரிக்கெட் கட்டுப்பாட்டு வாரியம் (BCCI) சமீபத்தில் அனைத்து வடிவங்களிலும் அடுத்த கேப்டனாக சுப்மன் கிலுக்கு ஆதரவு தெரிவித்திருந்தது. எனினும், அவர் T20 உலகக் கோப்பை அணியிலும், நியூசிலாந்துக்கு எதிரான T20 தொடரிலும் இடம் பெறவில்லை.

என்ன காரணம்?

கடந்த நான்கு மாதங்களில், குறுகிய வடிவில் (T20) சுப்மன் கில் ஆட்டம் மிகவும் மோசமாக இருந்தது. இந்த காலத்தில் அவர் 15 இன்னிங்ஸ்களில் 291 ரன்கள் மட்டுமே எடுத்தார்.
அதிலும், ஒரு அரைசதமும் எடுக்க முடியவில்லை. இந்த நிலையில், சுப்மன் கில், டி-20 உலக கோப்பை கிரிக்கெட் போட்டியில் இடம்பெறவில்லை.

இது சுப்மன் கிலின் சர்வதேச T20 வாழ்க்கையில் ஏற்பட்ட முக்கிய பின்னடைவை வெளிப்படுத்துகிறது என்பது குறிப்பிடத்தக்கது.

இதையும் படிங்க : யுவராஜ் சிங், நடிகை ஊர்வசி ரவுதாலா சொத்துக்கள் முடக்கம்.. அதிரடி காட்டும் ED.. என்ன காரணம்?