Pakistani Hindu Cricketer Danish Kaneria on Shahid Afridi: ஷாகித் அஃப்ரிதி தன்னை மதம் மாறச் சொன்னார் எனக் கூறிய பாகிஸ்தான் முன்னாள் கிரிக்கெட் வீரர் டேனிஷ் கனேரியா, இன்சமாம் உல் ஹக் அப்படி இல்லை என்றார்.
Pakistani Hindu Cricketer Danish Kaneria on Shahid Afridi: ஷாகித் அஃப்ரிதி தன்னை மதம் மாறச் சொன்னார் எனக் கூறிய பாகிஸ்தான் முன்னாள் கிரிக்கெட் வீரர் டேனிஷ் கனேரியா, இன்சமாம் உல் ஹக் அப்படி இல்லை என்றார்.
Published on: March 13, 2025 at 2:36 pm
பாகுபாடு காரணமாக தனது வாழ்க்கை அழிந்துவிட்டதாக பாகிஸ்தான் முன்னாள் கிரிக்கெட் வீரர் டேனிஷ் கனேரியா அமெரிக்காவின் வாஷிங்டனில் நடந்த மாநாட்டில் தெரிவித்துள்ளார். அப்போது, பாகிஸ்தானில் சிறுபான்மையினரின் அவலநிலை குறித்து டேனிஷ் கனேரியா கவலைகளை எழுப்பினார்.
இது குறித்து பேசிய டேனிஷ் கனேரியா, “நாங்கள் அனைவரும் இங்கு (வாஷிங்டனில்) கூடி, பாகிஸ்தானில் எவ்வாறு நடத்தப்பட்டோம் என்பது குறித்த தங்கள் அனுபவங்களைப் பகிர்ந்து கொண்டோம்.
நாங்கள் பாகுபாட்டை எதிர்கொண்டோம் இன்று, அதற்கு எதிராக குரல் எழுப்பினோம்” என்றார். இதனை ஏ.என்.ஐ தெரிவித்துள்ளது.
இது குறித்து கனேரியா பேசுகையில், “நானும் நிறைய பாகுபாடுகளைச் சந்தித்திருக்கிறேன், என் வாழ்க்கை அழிக்கப்பட்டது. பாகிஸ்தானில் எனக்குத் தகுதியான மரியாதையும் சமமான மதிப்பும் கிடைக்கவில்லை” என்றார்.
தொடர்ந்து, இந்தப் பாகுபாட்டின் காரணமாக, நான் இன்று அமெரிக்காவில் இருக்கிறேன். விழிப்புணர்வை ஏற்படுத்தவும், நடவடிக்கை எடுக்க நாங்கள் எவ்வளவு பாதிக்கப்பட்டுள்ளோம் என்பதை அமெரிக்காவிடம் தெரிவிக்கவும் நாங்கள் பேசினோம் என்றார்.
மதம் மாறச் சொன்ன அஃப்ரிதி
இதற்கிடையில், ஷாஹித் அஃப்ரிதி தன்னை இஸ்லாத்திற்கு மாறுமாறு பலமுறை அழுத்தம் கொடுத்ததாகவும் கனேரியா கூறினார். இது குறித்து பேசிய அவர், நான் எனது வாழ்க்கையில் சிறப்பாக செயல்பட்டு வந்தேன், கவுண்டி கிரிக்கெட்டிலும் விளையாடி வந்தேன். இன்சமாம்-உல்-ஹக் எனக்கு நிறைய ஆதரவளித்தார், அவ்வாறு செய்த ஒரே கேப்டன் அவர்தான் என்றார்.
தொடர்ந்து பேசுகையில், ஷாகித் அஃப்ரிதி மற்றும் பல பாகிஸ்தான் வீரர்கள் என்னை மிகவும் தொந்தரவு செய்தனர். அவர்கள் என்னுடன் சாப்பிடவில்லை. மேலும், என்னை மதம் மாறச் சொன்ன முக்கிய நபர் ஷாஹித் அஃப்ரிதி. அவர் பல முறை அப்படிச் செய்தார் என்றார். இதற்கிடையில், இன்சமாம்-உல்-ஹக் ஒருபோதும் அப்படிப் பேசியதில்லை என்றார். டேனிஷ் கனேரியாவின் இந்தப் பேச்சு கவனம் ஈர்த்து வருகிறது.
பாகிஸ்தானுக்காக 61 டெஸ்ட் போட்டிகளில் விளையாடிய டேனிஷ் கனேரியா, அந்நாட்டு அணியைப் பிரதிநிதித்துவப்படுத்தும் இரண்டாவது இந்து கிரிக்கெட் வீரர் ஆவார் என்பது குறிப்பிடத்தக்கது.
இதையும் படிங்க : ராயல் சேலஞ்ச் பெங்களூரு புதிய கேப்டன்.. ராஜத் படிதார் சொத்து மதிப்பு தெரியுமா?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
