210 ரன்கள் இலக்கு.. அதிர்ஷ்டமில்லா டெல்லி.. நொறுக்கி தள்ளிய குஜராத்!

Gujarat Titans defeat Delhi Capitals: ஐபிஎல் போட்டியில் குஜராத் டைட்டன்ஸ், டெல்லி கேபிடல்ஸை ஒரு ரன்னில் வீழ்த்தியது.

குஜராத் டைட்டன்ஸ் வெற்றி

ByPunitha Rajesh

Published on: April 9, 2026 at 12:36 pm

புதுடெல்லி, ஏப்.9, 2026: ஐபிஎல் கிரிக்கெட் போட்டியில் குஜராத் டைட்டன்ஸ், டெல்லி கேபிடல்ஸை ஒரு ரன்னில் வீழ்த்தியது. இந்த ஆட்டம் கடுமையான போட்டியாக அமைந்தது. இறுதி ஓவரில் டெல்லி கேபிடல்ஸ் வெற்றியை நோக்கி சென்றபோதும், குஜராத் டைட்டன்ஸ் தங்கள் பந்துவீச்சால் வெற்றியை உறுதி செய்தது. இந்த வெற்றி, குஜராத் டைட்டன்ஸ் அணிக்கு புள்ளி நிலை மற்றும் பிளேஆஃப் வாய்ப்புகள் ஆகியவற்றில் முக்கியத்துவம் பெறுகிறது.

ஐபிஎல் கிரிக்கெட்டில், நேற்றிரவு (ஏப்.8, 2026) டெல்லியில் உள்ள அருண் ஜேட்லி ஸ்டேடியத்தில் நடைபெற்ற ஆட்டத்தில் குஜராத் டைட்டன்ஸ், டெல்லி கேபிடல்ஸை ஒரு ரன்னில் வீழ்த்தியது.

கே.எல். ராகுல் அபாரம்

210 ரன்கள் இலக்கை துரத்திய டெல்லி கேபிடல்ஸ், நிர்ணயிக்கப்பட்ட 20 ஓவர்களில் எட்டு விக்கெட்டுகளை இழந்து 209 ரன்கள் மட்டுமே எடுத்தது. டெல்லி கேபிடல்ஸின் சார்பில் கே.எல். ராகுல் 92 ரன்களுடன் அதிக ரன்கள் எடுத்தார். குஜராத் டைட்டன்ஸின் சார்பில் ரஷீத் கான் மூன்று விக்கெட்டுகளை, பிரசித் கிருஷ்ணா இரண்டு விக்கெட்டுகளை, மொஹம்மது சிராஜ் ஒரு விக்கெட்டை பெற்றனர். ரஷீத் கான் ஆட்டத்தின் சிறந்த வீரராக அறிவிக்கப்பட்டார்.

முதலில் பேட்டிங் செய்த குஜராத் டைட்டன்ஸ், 20 ஓவர்களில் நான்கு விக்கெட்டுகளை இழந்து 210 ரன்கள் எடுத்தது. கேப்டன் ஷுப்மன் கில் 70 ரன்களும், வாஷிங்டன் சுந்தர் 55 ரன்களும் எடுத்தனர். டெல்லி கேபிடல்ஸின் சார்பில் முகேஷ் குமார் இரண்டு விக்கெட்டுகளை பெற்றார்.

இன்றைய போட்டி

இன்றைய போட்டியில், கொல்கத்தா நைட் ரைடர்ஸ், லக்னோ சூப்பர் ஜெயன்ட்ஸ் அணியை கொல்கத்தாவின் ஈடன் கார்டன்ஸ் மைதானத்தில் எதிர்கொள்கிறது. போட்டி இன்று மாலை 7:30 மணிக்கு தொடங்கும்.

இதையும் படிங்க: ஆசிய குத்துச்சண்டை சாம்பியன்ஷிப்.. ஃபைனனில் 6 இந்திய பெண்கள்.. முழு விவரம்!