பிக் பாஸ் பிரபலத்துடன் ஹோட்டலில் யுஸ்வேந்திர சஹால்.. மீண்டும் கிசுகிசு!

Yuzvendra Chahal: பிரபல பிக்பாஸ் பிரபலம் ஷெஃபாலி பாக்காவுடன் யுஸ்வேந்திர சஹால் இருக்கும் புகைப்படங்கள் வெளியாகியுள்ளன.

ஷெஃபாலி பாக்காவுடன் யுஸ்வேந்திர சஹால்

ByPunitha Rajesh

Published on: February 4, 2026 at 3:50 pm

புதுடெல்லி, பிப்.4, 2026: பிக் பாஸ் 13 புகழ் ஷெஃபாலி பாக்காவுடன் யுஸ்வேந்திர சஹால் இரவு உணவிற்கு சென்றதாகக் காணப்பட்டார். சஹால் மற்றும் அவரது வதந்தி காதலி RJ மஹ்வாஷ் ஒருவரை ஒருவர் இன்ஸ்டாகிராமில் ‘அன்ஃபாலோ’ செய்ததை நெட்டிசன்கள் கவனித்த சில நாள்களுக்குப் பிறகே இந்த ‘டின்னர் அவுடிங்’ நடந்துள்ளது.

இந்திய கிரிக்கெட் வீரர் யுஸ்வேந்திர சஹால் மீண்டும் கிசுகிசு வெளிச்சத்தில் வந்துள்ளார். சமீபத்தில் மும்பையில் பிக் பாஸ் 13 போட்டியாளர் ஷெஃபாலி பாக்காவுடன் அவர் காணப்பட்டதாக புகைப்படக் கலைஞர்கள் தெரிவித்துள்ளனர். இரவு உணவுக்குப் பிறகு இருவரும் ஒன்றாகக் காணப்பட்டதாகவும், ரசிகர் பக்கங்கள் மற்றும் சமூக ஊடகங்களில் படங்கள் வெளியாகியுள்ளன.

இதையும் படிங்க: T20 World Cup match: நாங்க விளையாட வர்ல.. அடம் பிடிக்கும் பாகிஸ்தான்!

இதில், யுஸ்வேந்திரா கருப்பு சட்டை மற்றும் நீல ஜீன்ஸ் அணிந்து சாதாரணமாக இருந்தார். ஷெஃபாலி கருப்பு உடை அணிந்திருந்தார். இருவரும் எந்தவிதமான பொது கருத்தும் வெளியிடவில்லை.
மேலும், இன்ஸ்டாகிராம் ஸ்டோரி அல்லது அதிகாரப்பூர்வ விளக்கமும் இல்லை. இருந்தாலும், இந்தக் காட்சி நேரம் ரசிகர்களிடையே ஆர்வத்தை தூண்டியுள்ளன.

சமீபத்தில் யுஸ்வேந்திரா மற்றும் மஹ்வாஷ் இன்ஸ்டாகிராமில் ஒருவரை ஒருவர் ‘அன்ஃபாலோ’ செய்திருந்தனர். யுஸ்வேந்திராவின் மைதானத்திற்கு வெளியேயான உறவுகள், அவரது விளையாட்டு திறமையைப் போலவே கவனத்தை ஈர்த்துள்ளன.

அவரது மிகப் பிரபலமான உறவு நடன அமைப்பாளர் மற்றும் இன்ஃப்ளூயன்சர் தனஷ்ரீ வர்மாவுடன் இருந்தது. 2020 டிசம்பரில் இருவரும் திருமணம் செய்து கொண்டனர். இந்நிலையில், 2025ல் பிரிந்தனர்.
இந்நிலையில், யுஸ்வேந்திரா தனது தனிப்பட்ட வாழ்க்கையை பெரும்பாலும் மறைத்து வைத்துள்ளார். இருப்பினும் வதந்திகள் தொடர்ந்தே வருகின்றன என்பது குறிப்பிடத்தக்கது.

இதையும் படிங்க: 2027 உலக கோப்பையில் விராத், ரோகித்? வயதை விட முக்கியம் இதுதான்.. தோனி