மம்தா பானர்ஜியை 25,000 வாக்குகள் வித்தியாசத்தில் தோற்கடிப்பேன்.. பா.ஜ.க சுவேந்து அதிகாரி!

Suvendu Adhikari : மேற்கு வங்கத்தில் மம்தா பானர்ஜியை 25 ஆயிரம் வாக்குகள் வித்தியாசத்தில் தோற்கடிப்பேன் என அவரை எதிர்த்துக் களம் காணும் பா.ஜ.கவின் சுவேந்து அதிகாரி தெரிவித்துள்ளார்.

BySaranya JK

Published on: March 19, 2026 at 7:05 pm

கொல்கத்தா, மார்ச் 19, 2026: பாஜக தலைவர் சுவேந்து அதிகாரி, மேற்கு வங்கத்தில் நடைபெறவுள்ள தேர்தலில், திமுக தலைவர் மம்தா பானர்ஜியை குறைந்தது 25,000 வாக்குகள் வித்தியாசத்தில் தோற்கடிப்பேன் என தெரிவித்துள்ளார்.

முன்னதாக, 2021-இல், மம்தா பானர்ஜி நந்திகிராம் தொகுதியில் சுவேந்து அதிகாரியிடம் 1,956 வாக்குகள் வித்தியாசத்தில் தோல்வியடைந்தார். பின்னர், அவர் பவானிபூர் தொகுதியில் நடந்த இடைத்தேர்தலில் வெற்றி பெற்றார். இந்நிலையில், பாஜக தலைவர் சுவேந்து அதிகாரி, வரும் மேற்கு வங்க சட்டமன்றத் தேர்தலில், மம்தா பானர்ஜியை பவானிபூர் தொகுதியில் குறைந்தது 25,000 வாக்குகள் வித்தியாசத்தில் தோற்கடிப்பேன் என வியாழக்கிழமை தெரிவித்தார்.

இது குறித்து பேசிய சுவேந்து அதிகாரி, “நான் உள்ளூர் வாக்காளர்களுடன் பேசினேன், அவர்களின் மனதை அறிந்துகொண்டேன். மம்தா பானர்ஜி எந்த சவாலையும் ஏற்படுத்தவில்லை. நான் அவரை குறைந்தது 25,000 வாக்குகள் வித்தியாசத்தில் தோற்கடிப்பேன். இது இரண்டாவது முறையாக இருக்கும்.” என்றார்.

பவானிபூர் தொகுதி

பவானிபூர் தொகுதி, கொல்கத்தா தெற்கு லோக்சபா தொகுதியின் ஒரு பகுதியாகும்; இதில் கொல்கத்தா மாநகராட்சியின் எட்டு வார்டுகள் அடங்கும். இந்நிலையில், சுவேந்து அதிகாரி தனது பிரசாரத்தை சக்ரபேரியா பகுதியில் தொடங்கினார்.
இதற்கிடையில், சுவேந்து அதிகாரி பவானிபூர் மற்றும் நந்திகிராம் தொகுதிகளில் வேட்பாளராக களம் காண்கிறார். இவர், நந்திகிராமில் அவர் 2016 முதல் இரண்டு முறை வெற்றி பெற்றுள்ளார் என்பது குறிப்பிடத்தக்கது.

இதையும் படிங்க: சீனாவின் புதிய இந்தியத் தூதர்.. யார் இந்த விக்ரம் துரைசாமி?