டெல்லி மருத்துவமனையில் அனுமதி.. எப்படி இருக்கிறார் சோனியா காந்தி?

Sonia Gandhi: காங்கிரஸ் கட்சியின் முன்னாள் தலைவர் சோனியா காந்தி கடந்த சில தினங்களுக்கு உடல் நலக்குறைவு காரணமாக டெல்லி சர் கங்கா ராம் மருத்துவமனையில் அனுமதிக்கப்பட்டார்.

சோனியா காந்தி

BySaranya JK

Published on: March 31, 2026 at 3:31 pm

புதுடெல்லி, மார்ச் 31, 2026: காங்கிரஸ் கட்சியின் முன்னாள் தலைவர் சோனியா காந்தி, மருத்துவ சிகிச்சைக்கு பின்னர் வீடு திரும்பியுள்ளார்.

காங்கிரஸ் கட்சியின் முன்னாள் தலைவர் சோனியா காந்தி, புதுடெல்லியில் உள்ள சர் கங்கா ராம் மருத்துவமனையில் இருந்த சிகிச்சை முடிந்து இன்று (செவ்வாய்க்கிழமை) காலை வீடு திரும்பினார்.
இவர் உடல் முழுவதும் பரவிய தொற்றுக்கு மருத்துவமனையில் சிகிச்சை பெற்றதாக கூறப்படுகிறது. அதாவது, மார்ச் 24 இரவு காய்ச்சலுடன் அவர் மருத்துவமனையில் அனுமதிக்கப்பட்டு, கடந்த ஏழு நாட்களாக சிகிச்சை பெற்று வந்தார்.

இது குறித்து சர் கங்கா ராம் மருத்துவமனை தலைவர் டாக்டர் அஜய் ஸ்வரூப் கூறுகையில், “சோனியா காந்தியின் உடல்நிலை குறிப்பிடத்தக்க முறையில் மேம்பட்டுள்ளது, இன்று காலை அவர் மருத்துவமனையிலிருந்து வீடு திரும்பினார்” என்றார். மேலும், “டாக்டர் டி. எஸ். ராணா, டாக்டர் எஸ். நுண்டி, டாக்டர் அருப் பாசு ஆகியோரின் மேற்பார்வையில், அவருக்கு ஆன்டிபயாட்டிக் மருந்துகள் வழங்கப்பட்டு சிகிச்சை அளிக்கப்பட்டது” என்றார்.

தொடர்ந்து, “சிகிச்சைக்கு அவர் நல்ல முறையில் பதிலளித்தார். தற்போது அவர் மருத்துவமனையிலிருந்து வீடு திரும்பினார். அவருக்கு மருத்துவ ஆலோசனைகள் வழங்கப்பட்டுள்ளன. வீட்டில் மருத்துவ ஆலோசனைகளை தொடர்ந்து பின்பற்றுவார்” எனத் தெரிவித்தார்.

இதையும் படிங்க: பீகார் சீதலாதேவி கோவிலில் கூட்ட நெரிசல்.. 8 பேர் மரணம்!