சோனியா காந்தி மருத்துவமனையில் அனுமதி.. காரணம் என்ன?

Sonia Gandhi admitted to Hospital: காங்கிரஸ் கட்சியின் முன்னாள் தலைவர் சோனியா காந்தி உடல் நலக்குறைவு காரணமாக டெல்லி சர் கங்கா ராம் மருத்துவமனையில் அனுமதிக்கப்பட்டுள்ளார்.

சோனியா காந்தி

BySaranya JK

Published on: June 16, 2025 at 11:12 am

புதுடெல்லி ஜூன் 16 2025; காங்கிரஸ் கட்சியின் மூத்த தலைவரும் அக்கட்சியின் பாராளுமன்ற தலைவருமான சோனியா காந்திக்கு ஞாயிற்றுக்கிழமை ( ஜூன் 15 2025) திடீர் உடல் நல குறைவு ஏற்பட்டது. இதை அடுத்து சிகிச்சைக்காக அவர் டெல்லியில் உள்ள சர் கங்கா ராம் மருத்துவமனையில் அனுமதிக்கப்பட்டார்.

அங்கு அவருக்கு சிகிச்சை அளிக்கப்பட்டு வருகிறது. தற்போது அவரது உடல்நிலை சீராக இருப்பதாக மருத்துவமனை வட்டாரங்கள் தெரிவித்துள்ளன.

சோனியா காந்திக்கு என்ன பிரச்சனை?

சோனியா காந்தியின் உடல்நலம் குறித்து வெளியான அறிக்கையில், ” அவர் நலமுடன் இருப்பதாக தெரிவிக்கப்பட்டுள்ளது. மேலும் அவருக்கு தொடர்ந்து சிகிச்சைகள் அளிக்கப்பட்டு வருவதாகவும் கூறப்பட்டுள்ளது. சோனியா காந்திக்கு ஞாயிற்றுக்கிழமை திடீர் வயிறு சம்பந்தப்பட்ட பிரச்சனைகள் ஏற்பட்டுள்ளன. இதையடுத்து அவர் சர் கங்காராம் மருத்துவமனையில் அனுமதிக்கப்பட்டுள்ளார் என்பது குறிப்பிடத்தக்கது.

இதையும் படிங்க: 13 வயது சிறுமி பாலியல் வன்கொடுமை; ஹரித்வாரில் பா.ஜனதா பெண் பிரமுகர் கைது!