இந்த விருது இருக்கா? இந்திய ரயில்வேயில் முதல் வகுப்பு பயணம் இலவசம்!

Indian Railways Honors Heroes with Free Travel: வீரச்சேவா விருது பெற்றவர்களுக்கு வாழ்நாள் முழுவதும் முதல் வகுப்பு மற்றும் ஏ.சி. பயணத்தில் இலவசச் சலுகையை இந்திய ரயில்வே அறிவித்துள்ளது.

இந்திய ரயில்வே

BySaranya JK

Published on: March 27, 2026 at 11:56 am

புதுடெல்லி, மார்ச் 27, 2026: வீரச்சேவா விருது பெற்றவர்கள் வாழ்நாள் முழுவதும் ரயில்வேயின் உயர்நிலை பயண வசதிகளை இலவசமாகப் பெறுவார்கள்; முன்னாள் ராணுவ வீரர்களுக்கான வேலைவாய்ப்பு உதவிகளும் தொடர்கின்றன.
அதாவது, இந்திய ரயில்வே, வீரச்சேவா விருது பெற்றவர்களுக்கு வாழ்நாள் முழுவதும் முதல் வகுப்பு மற்றும் ஏ.சி. பயணத்தில் இலவசச் சலுகை வழங்குகிறது.

யார் யார் இந்தச் சலுகையை பெறலாம்?

ஒவ்வொரு விருது பெற்றவரும் ஒருவரைத் துணையாக அழைத்துச் செல்லலாம்; அவருக்கும் இலவச பயணச் சலுகை வழங்கப்படும். மரணத்திற்குப் பின் வழங்கப்படும் விருதுகளின் பயன்களை, பெற்றோர் அல்லது துணைவியர் பயன்படுத்தலாம். ஆனால், துணைவியர் மறுமணம் செய்யும் வரை மட்டுமே இந்த சலுகையைப் பெற முடியும். பெற்றோர், விருது பெற்றவர் திருமணம் செய்யாமல் இறந்திருந்தால் மட்டுமே இந்த சலுகையைப் பெற முடியும்.

அதிகாரி பேட்டி

இது தொடர்பாக, ஏ.என்.ஐ செய்தி நிறுவனத்திடம் அதிகாரி ஒருவர் பேசுகையில், “இந்திய அரசு, சனா/நாவ் சேனா/வாயு சேனா பதக்க வீரச்சேவா விருது பெற்றவர்களுக்கு, அவர்களின் துணைவியர் (மறுமணம் செய்யும் வரை விதவை/விதவன்கள்), திருமணம் செய்யாத நிலையில் மரணமடைந்த விருது பெற்றவர்களின் பெற்றோர் ஆகியோருக்கு, இந்திய ரயில்வே ரயில்களில் முதல் வகுப்பு/2 AC/AC Chair Car-இல் வாழ்நாள் முழுவதும் இலவச பயணச் சலுகை (ஒரு துணையுடன்) வழங்க உத்தரவு பிறப்பித்துள்ளது” என்றார்.

இதையும் படிங்க: பெட்ரோல் நுகர்வு 300 சதவீதம் உயர்வு.. ஹைதராபாத்தில் மக்கள் பீதி?