பாலக்காட்டில் மார்க்சிஸ்ட், பாஜக ரகசிய கூட்டணி.. காங்கிரஸ்!

Kerala election 2026: பாலக்காட்டில் சிபிஎம்–பாஜக ‘ரகசிய புரிதல்’ தெளிவாக உள்ளது என்று கே.சி. வேணுகோபால் குற்றம் சாட்டியுள்ளார்.

கே.சி. வேணுகோபால்

BySaranya JK

Published on: March 21, 2026 at 8:06 pm

திருவனந்தபுரம் மார்ச் 21, 2026; கேரள மாநிலம் பாலக்காட்டில் மார்க்சிஸ்ட் கம்யூனிஸ்ட் கட்சியும் பாரதிய ஜனதாவும் ரகசிய கூட்டணியில் உள்ளன என காங்கிரஸ் கட்சியின் கே.சி வேணுகோபால் குற்றம் சாட்டினார்.

மேலும், காங்கிரஸின் பொதுச் செயலாளர் கே.சி வேணுகோபால், இப்படியான மறைமுக ஒப்பந்தங்கள் ஒரு தொகுதியில் மட்டுமல்ல; மேலும் ஒரு அல்லது இரண்டு இடங்களிலும் இதுபோன்ற புரிதல்கள் உள்ளன” எனவும் தெரிவித்தார்.

இது தொடர்பாக, நெடும்பசேரி விமான நிலையத்தில் செய்தியாளர்களிடம் பேசிய கே.சி வேணுகோபால், “பாலக்காட்டில் நடப்பது, சிபிஎம்–பாஜக திட்டத்தை பிரதிபலிக்கிறது. இது வரும் நாட்களில் மேலும் தெளிவாகும். இப்படியான மறைமுக ஒப்பந்தங்கள் ஒரு தொகுதியில் மட்டுமல்ல; மேலும் ஒரு அல்லது இரண்டு இடங்களிலும் இதுபோன்ற புரிதல்கள் உள்ளன” என்றார்.

பாலக்காட்டில் போட்டி

பாலக்காட்டில் காங்கிரஸ் தரப்பில் நகைச்சுவை நடிகர் ரமேஷ் பிஷாரோடி போட்டியிடுகிறார். பாஜக தரப்பில் மூத்த தலைவரான ஷோபா சுரேந்திரன் நம்பிக்கையுடன் நிறுத்தப்பட்டுள்ளார். சிபிஎம் வேட்பாளர் ஹோட்டல் தொழிலதிபர் என். எம். ஆர். ரசாக் ஆவார் என்பது குறிப்பிடத்தக்கது.

இதையும் படிங்க; புதுச்சேரியில் காங்கிரஸ், திமுக கூட்டணியில் சிக்கல்.. மார்ச் 23 வேட்பு மனு நிறைவு!