நான் கரூர், நீங்க மதுரை.. என்னை பற்றி ஏன் பேசுறீங்க? தி.மு.க எம்.எல்.ஏ.வுக்கு ஜோதிமணி கேள்வி

Congress MP Jothimani : நான் கரூரில் இருக்கிறேன்; நீங்கள் மதுரையில் இருக்கீறீர்கள். என்னை ஏன் வம்புக்கு இழுக்கிறீர்கள்? என காங்கிரஸ் எம்.பி ஜோதிமணி கேள்வியெழுப்பியுள்ளார்.

ஜோதிமணி

BySaranya JK

Published on: January 26, 2026 at 11:19 pm

Updated on: January 26, 2026 at 11:20 pm

கரூர், ஜன.26, 2026: “தி.மு.க. எம்.எல்.ஏ கோ. தளபதி தேவை இல்லாமல் என்னை வம்புக்கு இழுக்கக் கூடாது” என கரூர் காங்கிரஸ் எம்.பி ஜோதிமணி கூறியுள்ளார்.

தி.மு.க., காங்கிரஸ் கூட்டணியில் கடந்த சில நாள்களாக சலசலப்புகள் கேட்டு வருகின்றன; காங்கிரஸ் கட்சியின் முக்கிய நிர்வாகிகள் ஆட்சி மற்றும் அதிகாரத்தில் பங்கு வேண்டும் என கோருகின்றனர்.
இது தி.மு.க.வினருக்கு அதிருப்தியை ஏற்படுத்தியுள்ளது. கூட்டணிக்கு வரலாம், ஆனால் ஆட்சி அதிகாரத்தில் பங்கு தர முடியாது என அக்கட்சியின் மூத்த நிர்வாகிகள் கூட கூறிவிட்டார்.

இந்நிலையில், அண்மையில் மூத்த அமைச்சர் பெரியசாமி பேசுகையில், “ஆட்சி அதிகாரத்தில் பங்கு என்ற கோரிக்கையில் முதலமைச்சர் மு.க. ஸ்டாலினுக்கு நம்பிக்கை இல்லை” என்றார்.
இது அப்போது காங்கிரஸ் கட்சியின் நிர்வாகிகளுக்கு அளிக்கப்பட்ட பதிலாக பார்க்கப்பட்டது. இந்நிலையில், இன்று (ஜன.26, 2026) மதுரையில் பேசிய தி.மு.க. எம்.எல்.ஏ. கோ. தளபதி, “காங்கிரஸ் கட்சிக்கு 3 ஆயிரம் முதல் 4 ஆயிரம் வாக்குகள் மட்டும்தான் உள்ளது.

அவர்களுக்கு பூத் ஏஜென்ட்டுகள் கூட இல்லை” என்றார். மேலும், காங்கிரஸ் எம்.பி ஜோதிமணி மற்றும் மாணிக்கம் தாகூர் ஆகியோர் குறித்தும் விமர்சித்துப் பேசினார்.
இதற்குப் பதிலளித்துள்ள காங்கிரஸ் எம்.பி ஜோதிமணி, “தி.மு.க எம்.எல்.ஏ தேவை இல்லாமல் என்னை வம்புக்கு இழுக்கக் கூடாது; நீங்கள் மதுரையில் இருக்கிறீர்கள், நான் கழூரில் இருக்கிறேன். என்னைப் பற்றி பேச வேண்டிய அவசியம் உங்களுக்கு என்ன இருக்கிறது? எனத் தெரிவித்துள்ளார்.

இதையும் படிங்க: அமலாக்கத் துறை வழக்கு.. அரவிந்த் கெஜ்ரிவால் விடுதலை.. டெல்லி நீதிமன்றம்