லக்னோவில் அவசர அவசரமாக தரையிறக்கப்பட்ட இன்டிகோ விமானம்.. வெடிகுண்டு மிரட்டல் காரணமா?

IndiGo flight emergency landing: வெடிகுண்டு மிரட்டல் காரணமாக இண்டிகோ விமானம் அவசர அவசரமாக லக்னோவில் தரையிறக்கப்பட்டது.

இண்டிகோ

BySaranya JK

Published on: January 18, 2026 at 6:53 pm

புதுடெல்லி ஜனவரி 18, 2026; டெல்லி-யில் இருந்து பக்டோக்ரா நோக்கி புறப்பட்டிருந்த இண்டிகோ ஏர்லைன்ஸ் விமானத்தில் குண்டு மிரட்டல் தகவல் வந்தது. இதனால், விமானம் உடனடியாக, இன்று (ஞாயிற்றுக்கிழமை) லக்னோ விமான நிலையத்தில் அவசரமாக தரையிறக்கப்பட்டது. பயணிகள் மற்றும் குழுவினரின் பாதுகாப்பிற்காக அனைத்து முன்னெச்சரிக்கை நடவடிக்கைகளும் எடுக்கப்பட்டன.

இந்த நிலையில், அவசர தரையிறக்கத்துக்குக் காரணமான குண்டு மிரட்டல், விமானத்தின் உள்ளே கண்டுபிடிக்கப்பட்ட கைஎழுத்து குறிப்பு மூலம் வெளியிடப்பட்டது என்று உதவி காவல் ஆணையர் (ACP) ராஜ்நீஷ் வர்மா தெரிவித்தார்.

குண்டு மிரட்டல் – லக்னோவில் அவசர தரையிறக்கம்

இது குறித்து அவர், டெல்லியில் இருந்து பக்டோக்ரா நோக்கி புறப்பட்டிருந்த இந்திகோ ஏர்லைன்ஸ் விமானத்தில், கழிப்பறையில் டிஷ்யூ பேப்பரில் எழுதப்பட்ட கைஎழுத்து குறிப்பு கண்டுபிடிக்கப்பட்டது. அதில், விமானத்தில் குண்டு இருப்பதாக குறிப்பிடப்பட்டிருந்தது.
இந்த விமானத்தில் மொத்தம் 238 பயணிகள், பைலட்டுகள் மற்றும் குழுவினரும் பயணம் செய்தனர்.

குண்டு மிரட்டல் தகவல் கிடைத்ததும், விமானம் உடனடியாக லக்னோ விமான நிலையத்தில் அவசரமாக தரையிறக்கப்பட்டது. தற்போது, விமானம் முழுமையாக தேடுதல் நடவடிக்கைகளுக்கு உட்படுத்தப்பட்டுள்ளது என்று உதவி காவல் ஆணையர் (ACP) ராஜ்நீஷ் வர்மா ANI செய்தி நிறுவனம் மூலம் தெரிவித்தார்.

இதையும் படிங்க; மலப்புரத்தில் 14 வயது சிறுமி வன்புணர்வு.. 16 வயதான சிறுவன் கைது!