சோனம் கபூர் வீட்டில் குவா குவா சப்தம்.. இரண்டாவது வாரிசு வந்தாச்சு!

Sonam Kapoor Welcomes Baby Boy: நடிகை சோனம் கபூர்- ஆனந்த் அகுஜா தம்பதி தங்களது இரண்டாவது குழந்தையை வரவேற்றுள்ளனர்.

சோனம் கபூர்- ஆனந்த் அகுஜா தம்பதி

ByAkila Ramakrishnan

Published on: March 30, 2026 at 12:35 pm

மும்பை, மார்ச் 30, 2026: பாலிவுட் நடிகை சோனம் கபூர் ஞாயிற்றுக்கிழமை தனது இரண்டாவது ஆண் குழந்தையின் வருகையை கணவர் ஆனந்த் அகுஜாவுடன் அறிவித்தார்.

நடிகை சோனம் கபூர் தனது இன்ஸ்டாகிராம் பக்கத்தில் இந்த மகிழ்ச்சியான செய்தியை ரசிகர்களுக்கு பகிர்ந்துக் கொண்டார். அதில், “மிகுந்த நன்றியுடனும் அன்பால் நிரம்பிய இதயங்களுடனும், இன்று மார்ச் 29, 2026 அன்று எங்கள் ஆண் குழந்தையின் வருகையை அறிவிப்பதில் மகிழ்ச்சி அடைகிறோம். எங்கள் குடும்பம் பெரிதாகியுள்ளது, அவரது வருகையால் எங்கள் இதயங்கள் மகிழ்கின்றன” எனத் தெரிவித்து இருந்தார்.

பாலிவுட் பிரபலங்கள் வாழ்த்து

இந்நிலையில், கரீனா கபூர் கான், வாணி கபூர், தியா மிர்சா, ரியா கபூர், ஹூமா குரேஷி உள்ளிட்ட பாலிவுட் பிரபலங்கள் கருத்துப் பகுதியில் தம்பதியருக்கு வாழ்த்துகள் தெரிவித்துள்ளனர். கரீனா கபூர், ‘வாழ்த்துக்கள் சோனா மற்றும் ஆனந்த்,’ என்று எழுதி, சிவப்பு இதயம் எமோஜிகளையும் இணைத்து இருந்தார்.

இதையும் படிங்க: ‘இன்றைக்கு எல்லாமே Propaganda தான்’.. துரந்தர் படத்தை விமர்சித்த வெற்றி மாறன்!