சுந்தர் சி இயக்கத்தில் ரஜினிகாந்த்? பரபரப்பு தகவல்கள்

Rajinikanth next Film: 1997 ஆம் ஆண்டு வெளியான அருணாச்சலம் திரைப்படத்திற்கு பின்னர் மீண்டும் ரஜினிகாந்துடன் சுந்தர் சி இணைகிறார்.

ரஜினிகாந்த், சுந்தர் சி

ByAkila Ramakrishnan

Published on: October 17, 2025 at 5:23 pm

சென்னை அக்டோபர் 17 2025; சூப்பர் ஸ்டார் ரஜினிகாந்த் மீண்டும் சுந்தர் சி இயக்கத்தில் படம் ஒன்றில் நடிக்க உள்ளார் என்ற தகவல் கோடம்பாக்கத்தில் சுற்றி வருகிறது. இயக்குனர் சுந்தர் சி சூப்பர் ஸ்டார் ரஜினிகாந்தை வைத்து 1997 இல் அருணாச்சலம் என்ற திரைப்படத்தை இயக்கி இருந்தார்.

இந்தப் படம் பாக்ஸ் ஆபிஸில் மிகப்பெரிய ஹிட் அடித்தது. மேலும் ரஜினிகாந்துக்கு பிடித்த திரைப்படங்களில் ஒன்றாகவும் மாறியது. அருணாச்சலம் திரைப்படத்தை பொருத்தமட்டில் திரைப்பட பாடல்கள் அனைத்தும் பட்டி தொட்டி எங்கும் மிகப்பெரிய ஹிட் அடித்தன.

இன்றளவும் கிராமப்புறங்களில் அதாண்டா இதாண்டா அருணாச்சலம் நான்தாண்டா என்ற திரைப்பட பாடல் சுப நிகழ்ச்சிகளில் ஒலிப்பதை நாம் கேட்க முடியும். இந்த அளவு மிகப்பெரிய ஹிட்-டை கொடுத்த சுந்தர் சி ரஜினிகாந்த் உடன் மீண்டும் இணையவில்லை.
அதாவது 1997-க்கு பின்னர் இருவரும் இணைந்து திரைப்படங்களில் பணியாற்றவில்லை.

இந்த நிலையில் இருவரும் கிட்டத்தட்ட 28 ஆண்டுகளுக்குப் பின்னர் மீண்டும் இணை உள்ளனர். மூன்று தசாப்தங்களுக்கு பின்னர் இந்த கூட்டணி மீண்டும் இணையுள்ளது ரஜினிகாந்த் ரசிகர்களிடையே மகிழ்ச்சியை ஏற்படுத்தியுள்ளது.

இது தொடர்பாக அதிகாரப்பூர்வ அறிவிப்புக்கள் எதுவும் வெளியாகவில்லை என்ற போதிலும்; சூப்பர் ஸ்டார் ரஜினிகாந்த் ஜெய்லர் 2 படத்தை முடித்த கையோடு சுந்தர்சியுடன் கைகோர்ப்பார் என ஊகங்கள் வெளியாகி உள்ளன.

இதையும் படிங்க: யார் மீதும் நம்பிக்கை இல்லை… ஆளே அடையாளம் தெரியாமல் மாறிப்போன கனகா.. ‘கரகாட்டக்காரன்’ நாயகிக்கு இப்படி ஓர் நிலையா?