ரஜினிகாந்த் மனைவியாக நடிக்க அழைப்பு.. பிரபல மலையாள நடிகைக்கு மோசடி வலை!

Malayalam actress Shiny: சூப்பர் ஸ்டார் ரஜினிகாந்தின் மனைவியாக நடிக்க மோசடியாக அழைப்பு ஒன்றை கும்பல் விடுத்துள்ளது. இது சமூக வலைதளங்களில் பெரும் பரபரப்பை ஏற்படுத்தி உள்ளது.

மலையாள நடிகை சைனி ஷாரா

Malayalam actress Shiny scammed into acting in Jailer 2

ByAkila Ramakrishnan

Published on: March 15, 2025 at 11:46 am

மலையாளத்தில் பல்வேறு படங்களில் நடித்திருப்பவர் சைனி ஷாரா. இவரிடம் கும்பல் ஒன்று ரஜினிகாந்தின் மனைவியாக நடிக்க மோசடியான அழைப்பு ஒன்றை விடுத்துள்ளது. இதற்காக இந்த கும்பல் ரூபாய் 12 ஆயிரம் வரை பணம் கேட்டுள்ளது. இந்த மோசடி கும்பல் குறித்து தற்போது மனம் திறந்து பேசி உள்ளார் நடிகை சைனி.

இது குறித்து பேசிய நடிகை சைனி, ” சூப்பர் ஸ்டார் ரஜினிகாந்தின் ஜெய்லர் இரண்டாம் பாகம் படத்தில், நடிக்க நடிகர் நடிகைகள் தேர்வு நடைபெறுவதாக எனக்கு ஒரு அழைப்பு வந்தது. அந்த அழைப்பில் நடிகர் ரஜினிகாந்தின் மனைவியாக நடிக்க உங்களுக்கு அழைப்பு விடுக்கிறோம். இதில் நடிக்க உங்களுக்கு அடையாள அட்டை அவசியம்.

இதையும் படிங்க : நீ கதவுகளை அடைக்கிறாய்.. நான் முட்டி மோதி மூர்க்கமாய் உடைக்கிறேன்.. மாரி செல்வராஜ்!

அந்த அடையாள அட்டையை பெற வேண்டும் என்றால் ரூபாய் 12 ஆயிரத்து 500 அனுப்ப வேண்டும் என தெரிவிக்கப்பட்டு இருந்தது. இதை நான் முதலில் சந்தேகிக்கவில்லை. எனினும் எனக்குத் தெரிந்த தமிழ் நடிகை ஒருவரிடம் இது குறித்து கேட்டேன்; அவர் ஜெய்லர் படத்தில் நடிக்க எந்தவிதமான அடையாள அட்டையும் தேவையில்லை என என்னிடம் கூறினார்.

அதன் பின்னர் நான் சுதாரித்துக் கொண்டேன்; எனக்கு அழைப்பு விடுத்தது மோசடி கும்பல் என தெரிந்து கொண்டேன். இது போன்ற அழைப்புகள் வரும்போது ஒவ்வொருவரும் எச்சரிக்கையாக இருக்க வேண்டும் என கேட்டுக்கொள்கிறேன்” என்றார். நெல்சன் திலீப் குமார் இயக்கத்தில் ரஜினிகாந்த் நடிப்பில் 2003 ஆம் ஆண்டு திரைக்கு வந்த படம் ஜெய்லர். இந்தத் திரைப்படம் மிகப்பெரிய வெற்றியைப் பெற்ற நிலையில் தற்போது படத்தின் இரண்டாம் பாகம் தயாராகி வருகிறது.

இதையும் படிங்க: நடிகை செளந்தர்யா மரணம் விபத்தா? கொலையா? புகார் முழு விவரம்!