கலெக்ஷன் மன்னன். ரூ.500 கோடியை நெருங்கும் ஜெயிலர் 2

Jailer 2 Box Office Collection: நடிகர் ரஜினிகாந்த் நடிப்பில், நெல்சன் திலீப்குமார் இயக்கத்தில் வெளியான ‘ஜெயிலர் 2’ திரைப்படம், வெளியான நான்கு நாட்களில் உலகளவில் ரூ.424.25 கோடி வசூலித்துள்ளதாகத் தகவல் வெளியாகியுள்ளது.

ஜெயிலர் 2 படக் காட்சி

ByThilahavathy P

Published on: October 20, 2026 at 3:40 pm

சென்னை, அக்.20, 2026: நடிகர் ரஜினிகாந்த் நடிப்பில், நெல்சன் திலீப்குமார் இயக்கத்தில் வெளியான ‘ஜெயிலர் 2’ திரைப்படம், வெளியான நான்கு நாட்களில் உலகளவில் ரூ.424.25 கோடி வசூலித்துள்ளதாகத் தகவல் வெளியாகியுள்ளது. அக்டோபர் 15-ஆம் தேதி வெளியான இப்படம், தொடக்க வார இறுதியிலேயே வசூலில் பெரிய சாதனையைப் படைத்துள்ளது.

இந்தியாவில் மட்டும் இப்படம் ரூ.199.90 கோடி நிகர வசூலைப் பெற்றுள்ளது. ஞாயிற்றுக்கிழமை ஒரே நாளில் இந்தியாவில் ரூ.55.85 கோடி நிகர வசூல் கிடைத்துள்ளது. இதன் மூலம், முந்தைய நாள்களுடன் ஒப்பிடுகையில் வசூல் மீண்டும் அதிகரித்துள்ளது.

தமிழ்ப் பதிப்புதான் படத்தின் வசூலில் தொடர்ந்து முன்னிலை வகிக்கிறது. ஞாயிற்றுக்கிழமை தமிழ்ப் பதிப்பில் ரூ.39.95 கோடியும், தெலுங்குப் பதிப்பில் ரூ.9.50 கோடியும், இந்திப் பதிப்பில் ரூ.5.75 கோடியும், கன்னடப் பதிப்பில் ரூ.65 லட்சமும் வசூலிக்கப்பட்டுள்ளதாகத் தெரிவிக்கப்பட்டுள்ளது.

முதல் பாகமான ‘ஜெயிலர்’ திரைப்படத்தின் வெற்றியைத் தொடர்ந்து உருவான இப்படத்தில் மோகன்லால், சிவராஜ்குமார், ரம்யா கிருஷ்ணன், எஸ்.ஜே. சூர்யா உள்ளிட்ட பலர் நடித்துள்ளனர். அனிருத் ரவிச்சந்தர் இசையமைத்துள்ளார். உலகளவில் ரூ.450 கோடி வசூல் என்ற அடுத்த இலக்கை நோக்கிப் படம் முன்னேறி வரும் நிலையில், அதன் மொத்த வசூல் மேலும் அதிகரிக்குமா என ரசிகர்கள் எதிர்பார்த்து வருகின்றனர்.

இதையும் படிங்க : மம்மூட்டியின் முதல் கதாநாயகி அஞ்சலி நாயுடு.. வாய்ப்புகள் குறைந்ததால் மாறிய வாழ்க்கை!