எம்புரான் ஓடிடி ரிலீஸ் அறிவிப்பு; எந்தத் தளம் தெரியுமா?

L2: Empuraan OTT Release: மலையாள சூப்பர் ஸ்டார் மோகன் லால் நடிப்பில் வெளியான எம்புரான் படம் வசூலில் சக்கைப் போட்டு போட்டது. இந்தப் படத்தின் ஒடிடி ரிலீஸ் தேதி அறிவிக்கப்பட்டுள்ளது.

எம்புரான் படத்தில் மோகன் லால்

Emburaan movie to release on Jio Hotstar OTT platform

ByAkila Ramakrishnan

Published on: April 17, 2025 at 9:50 pm

திருவனந்தபுரம், ஏப்.17 2025: நடிகரும் இயக்குனருமான பிரித்திவிராஜ் சுகுமாறன் இயக்கத்தில் மலையாள சூப்பர் ஸ்டார் மோகன் லால் நடிப்பில் மாபெரும் வெற்றிப் பெற்ற படம் எம்புரான். இது 2019ஆம் ஆண்டு வெளியான லூசிபர் படத்தின் இரண்டாம் பாகம் ஆகும். இந்தப் படத்திலும் பிரித்திவி ராஜ் சுகுமாறன் முக்கிய கதாபாத்திரல் நடித்துள்ளார்.

படத்தில் சர்ச்சைகள்

இந்தப் படத்தை சுற்றி நிறைய சர்ச்சைகள் எழுந்தன. படத்தில் கோத்ரா ரயில் எரிப்பு காட்சிகளுக்கு கேரள பா.ஜ.க. சார்பில் எதிர்ப்பு தெரிவிக்கப்பட்டது. மேலும், முல்லை பெரியாறு அணை குறித்தும் தவறான தகவல்கள் படத்தில் இருப்பதாக தமிழக விவசாயிகள் குற்றஞ்சாட்டினார்கள்.

ஆனால், கோத்ரா ரயில் எரிப்பு தொடர்பான சில காட்சிகள் நீக்கப்பட்டன். எனினும், முல்லை பெரியாறு அணை தொடர்பான காட்சிகள் நீக்கப்படவில்லை என்ற குற்றஞ்சாட்டு தொடர்ந்தது.

ஓடிடி ரிலீஸ்

இந்த சர்ச்சைகள் படத்தின் வசூலை எந்த விதத்திலும் பாதிக்கவில்லை. இதுவரை படம் ரூ.250 கோடிகள் வரை வசூலித்துள்ளதாக கூறப்படுகிறது. இந்த நிலையில் படத்தின் ஓடிடி ரிலீஸ் குறித்து இன்று (ஏப்.17 2025) அறிவிப்பு வெளியானது. அதன்படி, படம் ஏப்.24ஆம் தேதி ஜியோ ஹாட்ஸ்டார் ஒடிடி தளத்தில் வெளியாகிறது. இது ரசிகர்கள் மத்தியில் ஆர்வத்தை ஏற்படுத்தியுள்ளது.

எம்புரான் திரைப்படத்தை திரையில் தவறவிட்டவர்கள் ஒடிடி தளத்தில் கண்டுகளிக்கலாம்.

இதையும் படிங்க : அஜித் குமாருடன் கார் பயணம்.. மிஸ் செய்கிறேன் என்கிறார் பிரியா வாரியர்..!