பிரதீப் ரங்கநாதனின், ‘டியூட்’ படம் எப்படி இருக்கு? 2ஆம் நாள் வசூல் என்ன?

Dude box office collection: நடிகர் பிரதீப் ரங்கநாதனின் டியூட் படத்தின் 2ஆம் நாள் வசூல் குறித்த விவரங்கள் வெளியாகியுள்ளன.

பிரதீப் ரங்கநாதன்- மமிதா பைஜூ

ByAkila Ramakrishnan

Published on: October 18, 2025 at 11:34 pm

சென்னை, அக்.18, 2025: இயக்குனர் கீர்த்தீஸ்வரனின் முதல் படமான டியூட் படத்தின் 2ஆம் நாள் வசூல் குறித்த விவரங்கள் வெளியாகியுள்ளன. இந்தப் படத்தில் பிரதீப் ரங்கநாதன்- மமிதா பைஜூ முக்கிய வேடத்தில் நடித்துள்ளனர். வெள்ளிக்கிழமை (அக்.17, 2025) திரையரங்குகளில் வெளியான இந்தப் படம் இரண்டாவது நாளில் படத்தின் பாக்ஸ் ஆபிஸ் வசூலில் சரிவை சந்தித்துள்ளன என தகவல்கள் தெரிவிக்கின்றன.

வர்த்தக வலைத்தளமான சாக்னில்க் படி, படம் இரண்டாவது நாளில் ₹7.66 கோடி வியாபாரம் ஆகியுள்ளது. அந்த வகையில், மொத்தம் ₹17.41 கோடி வசூலித்துள்ளது. அதாவது, முதல் நாள் வசூலை விட இரண்டாம் நாள் சற்று சரிவு ஏற்பட்டுள்ளது. வெள்ளிக்கிழமை வெளியான இந்தப் படம் முதல் நாளில் ₹9.75 கோடி வசூலித்து இருந்தது. இதில், தமிழில் ₹6.5 கோடி மற்றும் தெலுங்கில் ₹3.25 கோடி வசூலித்து இருந்தது.

ரசிகர்கள் கருத்து

இந்தப் படம் ரசிகர்கள் மத்தியில் நல்ல வரவேற்பை பெற்றுள்ளது. பெரும்பாலான ரசிகர்கள் படத்துக்கு நல்ல வரவேற்பு கொடுத்துள்ளனர். மேலும், சமூகத்துக்கு தேவையான முக்கியமான அம்சம் குறித்து படம் பேசுகிறது எனவும் ரசிகர்கள் தெரிவித்துள்ளனர்.

இதையும் படிங்க : சுந்தர் சி இயக்கத்தில் ரஜினிகாந்த்? பரபரப்பு தகவல்கள்