உயிருள்ள வரை உஷா பதிப்புரிமை.. நடிகர் டி. ராஜேந்தர் பரபரப்பு வழக்கு!

Copyright Case on Uyirulla Varai Usha: உயிருள்ள வரை உஷா படத்தின் பாடல்கள் பதிப்புரிமை தொடர்பாக நடிகர் டி.ராஜேந்தர் வழக்கு ஒன்றை தாக்கல் செய்துள்ளார்.

உயிருள்ளவரை உஷா, டி. ராஜேந்தர்

ByAkila Ramakrishnan

Published on: March 30, 2026 at 8:03 pm

சென்னை, மார்ச் 30, 2026: உயிருள்ளவரை உஷா படத்தின் பாடல்கள் பதிப்புரிமை தொடர்பாக நடிகர்- இயக்குனர் என பன்முக திறமை கொண்ட டி-ராஜேந்தர் சென்னை ஐகோர்ட்டில் வழக்கு ஒன்றை தாக்கல் செய்துள்ளார்.

உயிருள்ளவரை உஷா

உயிருள்ளவரை உஷா, இயக்குநர் டி. ராஜேந்தர் இயக்கத்தில் வெளியாகி மிகப்பெரிய வெற்றிப் பெற்ற திரைப்படம் ஆகும். இதில் டி. ராஜேந்தர், நளினி ஆகியோர் முக்கிய கதாபாத்திரங்களில் நடித்திருந்தனர். இத்திரைப்படத்திற்கு இசையமைத்தவர் டி. ராஜேந்தர் ஆவார். இத்திரைப்படம் 1983 மார்ச் 4ஆம் தேதியன்று வெளியாகி ரசிகர்கள் மத்தியில் பெரும் வரவேற்பைப் பெற்றது.
இந்தப் படத்தின் பாடல்கள் ரசிகர்கள் மத்தியில் பெரும் வரவேற்பை பெற்றன. படத்தில் அடி என்னடி, வைகைக் கரை காற்றே நில்லு, இதயமதை கோவில் என்றேன், உள்ளிட்ட அனைத்து பாடல்களும் செம்ம ஹிட் அடித்தன.

நீதிமன்றத்தில் வழக்கு

இந்நிலையில், சென்னை உயர் நீதிமன்றத்தில் டி- ராஜேந்தர் வழக்கு ஒன்றை தாக்கல் செய்துள்ளார். அதில், 1983ஆம் ஆண்டு வெளியான உயிருள்ளவரை உஷா படத்தின் பாடல்களை பதிப்புரிமையை மீறி வர்த்தக ரீதியாக பயன்படுத்த தடை விதிக்க வேண்டும் எனக் கோரிக்கை விடுத்துள்ளார்.

இந்த வழக்கை நீதிபதி செந்தில் குமார் ராமமூர்த்தி விசாரித்தார். அவர், ஏ.வி.எம் மற்றும் டபிள்யூ. எல். எபிக் மீடியா ஆகிய நிறுவனங்கள் பதிலளிக்கும் படி உத்தரவிட்டார். இந்த வழக்கு தற்போது தள்ளி வைக்கப்பட்டுள்ளது.

இதையும் படிங்க: சோனம் கபூர் வீட்டில் குவா குவா சப்தம்.. இரண்டாவது வாரிசு வந்தாச்சு!