பாடகி சுசித்ராவுக்கு எதிராக புகார்.. ஆர்த்தி தந்தை அதிரடி.!

Actor ravi mohan divorce case: பிரபல பின்னணி பாடகி சுசித்ராவுக்கு எதிராக, நடிகர் ரவி மோகனின் முன்னாள் மனைவி ஆர்த்தியின் தந்தை கிருஷ்ணமூர்த்தி விஜயகுமார் புகார் ஒன்றை அளித்துள்ளார்.

பாடகி சுசித்ரா, நடிகர் ரவி மோகன் முன்னாள் மனைவி ஆர்த்தி

ByAkila Ramakrishnan

Published on: May 28, 2025 at 10:13 pm

சென்னை மே 28 2025: நடிகர் ரவி மோகனின் முன்னாள் மனைவி ஆர்த்தி குறித்து அவதூறுகள் பேசுவதாக, பாடகி சுசித்ரா மீது சென்னை காவல் ஆணையர் அலுவலகத்தில் புகார் ஒன்று இன்று ( மே 28 2025) அளிக்கப்பட்டது. இந்த புகாரை ஆர்த்தியின் தந்தை கிருஷ்ணமூர்த்தி விஜயகுமார் என்பவர் அளித்துள்ளார். வந்த புகாரில் தனது மகளுக்கு எதிராக பாடகி சுசித்ரா அவதூறுகளை பரப்பி வருவதாகவும்; அவர் மீது சட்ட நடவடிக்கைகளை எடுக்க வேண்டும் எனவும் கூறப்பட்டுள்ளது.

நடிகர் ரவி மோகன் ஆர்த்தி விவாகரத்து வழக்கு

ஜெயம் என்ற திரைப்படத்தின் மூலம் பிரபலமானவர் நடிகர் ரவி மோகன். இவரின் மனைவி ஆர்த்தி. இவர்களுக்கு இரு குழந்தைகள் உள்ளன. இந்த நிலையில் இருவரும் கடந்த ஆண்டு பிரிந்தனர். இவர்கள் தொடர்பான விவாகரத்து வழக்கு சென்னை குடும்ப நல நீதிமன்றத்தில் நடந்து வருகிறது.

இந்த நிலையில் இருவரும் பரஸ்பரம் குற்றச்சாட்டுகளை முன் வைத்து அறிக்கைகளை வெளியிட்டு வருகின்றனர். இதற்கிடையில், ஆர்த்தி தொடர்பாக பாடகி சுசித்ரா தெரிவித்த கருத்துக்கள் பெரும் சர்ச்சையாக வெடித்தன. பாடகி சுசித்ராவின் இந்த கருத்துக்களை பலரும் சமூக வலைதளங்களில் பகிர்ந்து இருந்தனர்.

இந்த நிலையில் அவருக்கு எதிராக சென்னை காவல் ஆணையர் அலுவலகத்தில் கார்த்தியின் தந்தை புகார் ஒன்றை அளித்துள்ளார். அந்த புகாரில் பாடகி சுசித்ரா மீது சட்ட நடவடிக்கை எடுக்க வேண்டும் என தெரிவிக்கப்பட்டுள்ளது.

இதையும் படிங்க: ‘ஜெயம் ரவிக்கு கோடிக்கணக்கில் பணம் கொடுத்தேன்’; ஆர்த்தி தாயார் சுஜாதா