இன்ட்ரா டே- வர்த்தகத்தில் போக்கு காட்டிய சந்தை.. நீண்ட கால முதலீட்டாளர்கள் விற்கலாமா?

Share Market Today: இன்றைய பங்குச்சந்தை நிலவரம்: சென்செக்ஸ் 73,134.69 புள்ளிகளில் முடிந்தது; இது, 1,187 புள்ளிகள் உயர்வு ஆகும்.

மும்பை பங்குச் சந்தை உயர்வு

BySaranya JK

Published on: April 1, 2026 at 4:49 pm

மும்பை, ஏப்.1, 2026: இன்றைய பங்கு வர்த்தகத்தில், மும்பை பங்குச் சந்தை சென்செக்ஸ் 73,134.69 புள்ளிகளில் முடிந்தது. இது, 1,187 புள்ளிகள் உயர்வு ஆகும்; தொடர்ந்து, தேசிய பங்குச் சந்தை குறியீட்டெண் நிஃப்டி 22,680.50 புள்ளிகளில் காணப்பட்டது. இது, 349 புள்ளிகள் உயர்வு ஆகும். எனினும், இன்ட்ராடே வர்த்தகத்தில் சென்செக்ஸ் 800 புள்ளிகள் சரிந்தது, நிப்டி 22,700-க்கு கீழே சென்றது.

இன்றைய வர்த்தகம்

மேலும், இன்றைய வர்த்தகத்தில் தகவல் தொழில்நுட்பம் (ஐ.டி) மற்றும் வங்கி பங்குகள் அதிக அழுத்தத்தில் இருந்தன; எனினும், எனர்ஜி மற்றும் எஃப்.எம்.சி.ஜி பங்குகள் சிறிது ஆதரவு தந்தன.
இதற்கிடையில், நிஃப்டி-க்கு 487 மில்லியன் பங்குகள் பரிமாற்றமும், சென்செக்ஸ்-க்கு 19.8 மில்லியன் பங்குகள் பரிமாற்றமும் நடந்தது.

மும்பை பங்குச் சந்தையை பொறுத்தவரை, காலை வலுவாக தொடங்கி 73,964 புள்ளிகளை எட்டியது. ஆனால் பிற்பகலில் 800 புள்ளிகள் சரிந்து 73,134-ல் முடிந்தது.

பாதிப்பு ஏன்?

அமெரிக்க சந்தை மற்றும் எண்ணெய் விலை மாற்றங்கள் இந்திய சந்தையை பாதிக்கின்றன. இதுபோன்ற சமயங்களில், நீண்டகால முதலீட்டாளர்கள் விற்பனையை தவிர்க்க வேண்டும் என பொருளாதார அறிஞர்கள் கூறுகின்றனர்.

இதையும் படிங்க: 1 முதல் 5 ஆண்டு கால எஃப்.டி முதலீடு.. எந்த வங்கியில் பெஸ்ட் ரிட்டன்?