போஸ்ட் ஆபீஸ் vs வங்கி: 3 ஆண்டு ஃபிக்ஸட் டெபாசிட் முதலீடுக்கு எதில் பெஸ்ட் ரிட்டன்?

Post office vs bank Fixed Deposit: 3 ஆண்டு ஃபிக்ஸட் டெபாசிட் திட்டத்தில் எதில் பெஸ்ட் ரிட்டன் வழங்கப்படுகிறது.

3 ஆண்டுகால ஃபிக்ஸட் டெபாசிட்

Post Office vs Bank 3 Year Fixed Deposit schemes Comparison

BySaranya JK

Published on: May 6, 2025 at 11:00 am

Updated on: May 5, 2025 at 11:02 pm

சென்னை, மே 6 2025: இந்தியா போன்ற வளரும் நாடுகளில் ஃபிக்ஸட் டெபாசிட் முதலீடுகள் மிகவும் பிரபலமாக உள்ளன. பலரும் இதில் முதலீடு செய்ய விரும்புகின்றனர். ஏனெனில் இந்த முதலீடுகள் சான்றளிக்கப்பட்ட வருமான வாய்ப்பை வழங்குகின்றன. இதில் பலருக்கும் போஸ்ட் ஆபீஸ் ஃபிக்ஸட் டெபாசிட் திட்டங்கள் குறித்து அவ்வளவு தெரிய வாய்ப்பில்லை.

வங்கிகளை போன்று போஸ்ட் ஆபீஸஸூம் ஃபிக்ஸட் டெபாசிட் திட்டங்களை வழங்கி வருகின்றன. இந்நிலையில், போஸ்ட் ஆபீஸ் மற்றும் வங்கிகள் வழங்கும் ஃபிக்ஸட் டெபாசிட் திட்டங்கள் குறித்து பார்க்கலாம். இதில், போஸ்ட் ஆபீஸை பொறுத்தவரை 3 ஆண்டுகால டைம் டெபாசிட் திட்டத்துக்கு 7.10 சதவீத வட்டியை வழங்குகிறது. இந்தத் திட்டம் 2025 ஜூன் 30ஆம் தேதிவரை அமலில் இருக்கும்.

வங்கி வட்டி விகிதம்

ஆனால் வங்கிகளை பொறுத்தவரை பல்வேறு வட்டி விகிதங்களை வழங்குகின்றன. பொதுத்துறை வங்கிகளில் கனரா வங்கி 3 ஆண்டுகால ஃபிக்ஸட் டெபாசிட்டுக்கு 7.20 சதவீதம் வட்டி வழங்குகிறது.
தனியார் வங்கிகளில் டி.சி.பி வங்கி 7.50 சதவீத வட்டியும், இண்டஸ்இந்த் வங்கி 7.25 சதவீத வட்டியும், ஆர்.பி.எல் வங்கி 7.50 சதவீத வட்டியும், யெஸ் வங்கி 7.50 சதவீத வட்டியும் வழங்குகின்றன.

இதுதவிர பேங்க் ஆஃப் மகாராஷ்டிரா 6.50 சதவீத வட்டியும், எஸ்.பி.ஐ 6.75 சதவீத வட்டியும், யூனியன் பேங்க் ஆஃப் இந்தியா 6.70 சதவீத வட்டியும் வழங்குகிறது. அதேபோல் சில தனியார் வங்கிகளும் 3 ஆண்டுகால ஃபிக்ஸட் டெபாசிட் திட்டத்துக்கு 7 சதவீதத்துக்கும் கீழ் வட்டி விகிதத்தை வழங்குகின்றன.

Disclaimer: (இந்தச் செய்தி தகவலுக்காக மட்டுமே எழுதப்பட்டுள்ளது. முதலீடுக்கு முன் சம்பந்தப்பட்ட வங்கி அதிகாரிகளிடம் முதலீடு குறித்து முழுவதுமாக கேட்டு தெரிந்துக்கொள்ளவும். முதலீட்டாளரின் லாப நஷ்டங்களுக்கு திராவிடன் டைம்ஸ் எவ்விதத்திலும் பொறுப்பேற்காது)

இதையும் படிங்க : 444 நாள்கள் முதலீடு செய்தால் போதும்.. FDக்கு வட்டியை வாரி வழங்கும் வங்கிகள்!