மூத்தக் குடிமக்கள் சேமிப்பு திட்டம் vs வங்கி எஃப்.டி. எது பெஸ்ட் முதலீடு?

Fixed deposit: இந்திய அரசின் ஆதரவுப் பெற்ற மூத்தக் குடிமக்கள் சேமிப்பு திட்டம் (எஸ்.சி.எஸ்.எஸ்) மற்றும் வங்கி ஃபிக்ஸட் டெபாசிட் முதலீடு குறித்து பார்க்கலாம்.

முதலீடு

BySaranya JK

Published on: September 10, 2025 at 10:31 am

சென்னை, செப்.10 2025: இன்றைய காலகட்டத்தில் முதலீடு என்பது அவசியமாகிறது. எனினும், பல்வேறு முதலீடுகள் சந்தை சார்ந்து காணப்படுவதால் அதில் முதலீடு செய்ய மூத்தக் குடிமக்கள் தயங்குகின்றனர். இந்நிலையில், மத்திய அரசின் ஆதரவு பெற்ற மூத்தக் குடிமக்கள் சேமிப்பு திட்டம் மற்றும் வங்கி ஃபிக்ஸட் டெபாசிட் முதலீடு குறித்து ஒப்பிட்டு பார்க்கலாம்.

மூத்தக் குடிமக்கள் சேமிப்பு திட்டம்

மத்திய அரசின் ஆதரவு பெற்ற மூத்தக் குடிமக்கள் சேமிப்பு திட்டத்தில் குறைந்தப்பட்சம் ரூ.1,000 முதல் அதிகப்பட்சமாக ரூ.30 லட்சம் வரை முதலீடு செய்துகொள்ளலாம். மேலும், இந்தத் திட்டத்தில் வருமான வரிச் சட்டம் 80C-இன் கீழ் வரி விலக்கு அளிக்கப்படுகிறது. இத்திட்டத்தின் காலம் 5 ஆண்டுகள் ஆகும்.

எஸ்.சி.எஸ்.எஸ் வட்டி விகிதம்

மூத்தக் குடிமக்கள் சேமிப்பு திட்டத்தில் 8.20 சதவீதம் வட்டி வழங்கப்படுகிறது.

வங்கி ஃபிக்ஸட் டெபாசிட்

வங்கி ஃபிக்ஸட் டெபாசிட் முதலீடு 7 நாள்கள் முதல் 10 ஆண்டுகள் வரையிலான காலகட்டத்தில் கிடைக்கிறது. இதில் மற்றவர்களை காட்டிலும் மூத்தக் குடிமக்களுக்கு வட்டி உள்ளிட்ட சில சிறப்பு சலுகைகள் உள்ளன. இந்த நிலையில் நாட்டின் முன்னணி 5 கால ஃபிக்ஸட் டெபாசிட் முதலீடுக்கு மூத்தக் குடிமக்களுக்கு வழங்கும் வட்டி விகிதம் குறித்து பார்க்கலாம்.

பேங்க் எஃப்.டி வட்டி விகிதம்

5 ஆண்டு ஃபிக்ஸட் டெபாசிட் முதலீடுக்கு பல்வேறு வங்கிகள் வழங்கும் வட்டி விகிதங்கள் இங்குள்ளன.

வ.எண்	வங்கி	வட்டி விகிதம்
1	எஸ்.பி.ஐ	7.05 சதவீதம்
2	கனரா வங்கி	6.75 சதவீதம்
3	பஞ்சாப் நேஷனல் வங்கி	6.80 சதவீதம்
4	ஹெச்.டி.எஃப்.சி வங்கி	6.90 சதவீதம்
5	ஐ.சி.ஐ.சி.ஐ வங்கி	7.10 சதவீதம்
6	ஆக்ஸிஸ் வங்கி	7.35 சதவீதம்