7.90 சதவீதம் வரை வட்டி.. இந்தியன் வங்கி புதிய ஃபிக்ஸட் டெபாசிட்!

IND Secure FD Scheme: இந்தியன் வங்கி அறிமுகப்படுத்தியுள்ள புதிய ஃபிக்ஸட் டெபாசிட் திட்டத்தில் 7.90 சதவீதம் வரை வட்டி விகிதம் வழங்கப்படுகிறது.

இந்தியன் ஃபிக்ஸட் டெபாசிட் திட்டம்

Indian Bank has introduced IND Secure FD Scheme for 7 90 percent interest

BySaranya JK

Published on: May 16, 2025 at 12:26 pm

Updated on: May 16, 2025 at 12:41 pm

சென்னை, மே 16 2025: இந்தியன் வங்கியின் ஃபிக்ஸட் டெபாசிட் திட்டத்தில் 7.90 சதவீதம் வரை வட்டி விகிதம் வழங்கப்படுகிறது. அதாவது, பொதுத்துறையை சேர்ந்த இந்தியன் வங்கி மே 8 முதல் ரூ.1,000 முதல் ரூ.3 கோடி வரை முதலீட்டுடன் இந்த் செக்யூர் (IND Secure) என்ற புதிய ஃபிக்ஸட் டெபாசிட்டை அறிமுகப்படுத்தியுள்ளது.

இந்த நிலையான வைப்புத்தொகையின் (FD) செல்லுபடியாகும் காலம் செப்டம்பர் 30, 2025 வரை ஆகும். மேலும், இந்த நிலையான வைப்புத்தொகைக்கு வழங்கப்படும் வட்டி சாதாரண மக்களுக்கு 7.15 சதவீதம் ஆக நிர்ணயிக்கப்பட்டுள்ளது.

தொடர்ந்து, மூத்த குடிமக்களுக்கு 7.65 சதவீதம் மற்றும் சிறப்பு மூத்த குடிமக்களுக்கு 7.90 சதவீதம் வட்டி விகிதம் வழங்கப்படும். மேலும், இந்தியன் வங்கி வழங்கும் மற்றொரு நிலையான வைப்புத்தொகை இந்த் க்ரீன் (IND Green) ஆகும்.

இந்த ஃபிக்ஸட் டெபாசிட் ரூ.1,000 முதல் ரூ.3 கோடிக்கு குறைவான முதலீட்டில் 555 நாட்கள் முதிர்வு காலத்திற்கு உத்தரவாதமான வருமானத்தை வழங்கும் நோக்கம் கொண்டது.

அந்த வகையில், இந்த் க்ரீன் (IND Green) ஃபிக்ஸட் டெபாசிட் திட்டத்தில், இந்தியன் வங்கி பொது குடிமக்களுக்கு 6.80 சதவீதத்தையும், மூத்த குடிமக்களுக்கு 7.30 சதவீதத்தையும் வழங்குகிறது.
மேலும், சூப்பர் சீனியர் குடிமக்களுக்கு 7.55 சதவீதத்தையும் வழங்குகிறது என்பது குறிப்பிடத்தக்கது.

இதையும் படிங்க : முதலீட்டுக்கு 20% மேல் ரிட்டன்; டாப் 10 மியூச்சுவல் ஃபண்ட் ஸ்கீம்கள்!