ஃபிக்ஸட் டெபாசிட் வட்டியை குறைத்த தனியார் வங்கிகள்.. நோட் பண்ணுங்க!

Fixed Deposit: ஐ.சி.ஐ.சி.ஐ மற்றும் ஹெச்.டி.எஃப்.சி உள்ளிட்ட வங்கிகள் ஃபிக்ஸட் டெபாசிட் வட்டியை மீண்டும் குறைத்துள்ளன. தற்போது வட்டி விகிதம் 20 பி.பி.எஸ் வரை குறைக்கப்பட்டுள்ளது.

ஃபிக்ஸட் டெபாசிட் முதலீடு

ICICI and HDFC Banks again cut fixed deposit rates

BySaranya JK

Published on: May 29, 2025 at 11:43 am

சென்னை, மே 29 2025: ஐசிஐசிஐ, எச்டிஎஃப்சி வங்கிகள் மீண்டும் நிலையான வைப்பு விகிதங்களை 20 பி.பி.எஸ் அடிப்படைப் புள்ளிகள் வரை விகிதங்களைக் குறைத்துள்ளன. அதாவது, ஐசிஐசிஐ வங்கி மற்றும் எச்டிஎஃப்சி வங்கிகள் ஆகியவை ரூ.3 கோடிக்குக் குறைவான நிலையான வைப்புத்தொகை வட்டி விகிதங்களை குறைத்துள்ளன. இதற்கிடையில், கடந்த 2 மாதங்களில் இரண்டாவது முறையாக இதுபோன்ற முடிவை அறிவித்துள்ளன. புதிய விகிதங்கள் முறையே மே 27 மற்றும் 23 முதல் அமலுக்கு வந்துள்ளன.

ஐ.சி.ஐ.சி.ஐ வங்கி எஃப்.டி வட்டி விகிதங்கள்

ஐசிஐசிஐ வங்கியை பொறுத்தமட்டில் ஆண்டு வட்டி விகிதங்கள் இப்போது பொது வாடிக்கையாளர்களுக்கு 3 சதவீதம் முதல் 6.85 சதவீதம் வரையிலும், மூத்த குடிமக்களுக்கு 3.5 சதவீதம் முதல் 7.35 சதவீதம் வரையிலும் உள்ளன. மேலும், அதிகப்பட்ச வட்டி விகிதமாக 18 மாதங்கள் முதல் 2 ஆண்டுகள் வரையிலான வைப்புத்தொகைகளுக்கு பொது வாடிக்கையாளர்களுக்கு 6.85 சதவீதமும், மூத்த குடிமக்களுக்கு 7.35 சதவீதமும் வங்கி வழங்குகிறது.

ஹெச்.டி.எஃப்.சி வங்கி வட்டி விகிதம்

ஹெச்.டி.எஃப்.சி (HDFC) வங்கி மே 23 முதல் தேர்ந்தெடுக்கப்பட்ட வைப்புத்தொகைகளுக்கு 20 அடிப்படை புள்ளிகள் வரை அதன் நிலையான வைப்பு விகிதங்களை திருத்தியுள்ளது. அந்த வகையில், புதிய வட்டி விகிதத்தின்படி பொது வாடிக்கையாளர்களுக்கு ஆண்டுக்கு 3 சதவீதம் முதல் 6.85 சதவீதம் வரை கிடைக்கும். மேலும், மூத்த குடிமக்களுக்கு 3.5 சதவீதம் முதல் 7.35 சதவீதம் வரையிலும் கிடைக்கும்.

அதிகப்பட்ச வட்டி விகிதமாக 15 மாதங்கள் முதல் 21 மாதங்கள் வரையிலான வைப்புத்தொகைகளுக்கு பொது வாடிக்கையாளர்களுக்கு 6.85 சதவீதமும், மூத்த குடிமக்களுக்கு 7.35 சதவீதமும் வங்கி வழங்குகிறது.

இதையும் படிங்க : கடந்த 10 ஆண்டுகளில் 26 சதவீதம் வரை ரிட்டன்.. டாப் டென் மியூச்சுவல் ஃபண்ட் திட்டங்கள்.!