தங்கம் விலை ₹ 2640 குறைவு.. வெள்ளி விலையும் குறைந்தது.. இன்றைய நிலவரம்?

Gold rate today: தங்கம் விலை இன்று சவரனுக்கு ரூ. 2640 குறைந்து இன்ப அதிர்ச்சி கொடுத்துள்ளது.

தங்கம் விலை நிலவரம்

BySaranya JK

Published on: March 21, 2026 at 10:53 am

சென்னை, மார்ச் 21, 2026: தங்கம் விலை கடந்த சில தினங்களாக தொடர்ந்து குறைந்து வருகிறது. நேற்று விலை சற்று அதிகரித்த நிலையில் இன்று மீண்டும் தங்கம் மற்றும் வெள்ளி விலை அதிரடியாக குறைந்துள்ளது நகை பிரியர்களுக்கு உற்சாகத்தை ஏற்படுத்தியுள்ளது.

இன்றைய தங்கம் விலை

தங்கம் விலை நேற்று கிராம் ₹ 13 ஆயிரத்து 950க்கும், சவரன் ₹ 1 லட்சத்து 11 ஆயிரத்து 600 க்கும் விற்பனை செய்யப்பட்டது. இந்நிலையில் இன்று தங்கம் விலை நேற்றைய விலையை விட கிராமுக்கு ₹ 330 குறைந்துள்ளது. இதனால் இன்று ஒரே நாளில் சவரனுக்கு ₹ 2640 குறைந்துள்ளது.

அதன்படி 22 கேரட் ஆபரணத் தங்கம் ஒரு கிராம் ₹ 13 ஆயிரத்து 620க்கும், 8 கிராம் கொண்ட ஒரு சவரன் தங்கத்தின் விலை ₹ 1 லட்சத்து 8 ஆயிரத்து 960 க்கும் விற்பனை செய்யப்படுகிறது. 24 கேரட் தூய தங்கத்தை பொறுத்தவரை ஒரு கிராம் ₹14 ஆயிரத்து 858க்கும், ஒரு சவரன் ₹ 1 லட்சத்து 18 ஆயிரத்து 864க்கும் விற்பனை செய்யப்படுகிறது.

வெள்ளி விலை

வெள்ளி விலையை பொறுத்தமட்டில் ஒரு கிலோ வெள்ளி நேற்று ₹ 2 லட்சத்து 60 ஆயிரத்துக்கு விற்பனை செய்யப்பட்ட நிலையில் இன்று ₹ 10 ஆயிரம் குறைந்து ₹ 2 லட்சத்து 50 ஆயிரத்துக்கு விற்பனை செய்யப்படுகிறது. ஒரு கிராம் வெள்ளி விலை ₹ 250 ஆக உள்ளது.

இதையும் படிங்க: முதலீடுக்கு 15.56% வருமானம்.. SBI பேங்கிங் அண்ட் ஃபைனான்சியல் சர்வீஸ் ஃபண்ட் எப்படி?