2026 ஜனவரியில் ₹22,530 கோடி காலி.. இந்திய பங்குச்சந்தைக்கு திடீர் பின்னடைவு!

Share Market: 2026 ஆம் ஆண்டு ஜனவரி மாதத்தில் , வெளிநாட்டு முதலீட்டாளர்கள் மீண்டும் விற்பனை அழுத்தத்தை ஏற்படுத்தி, இந்திய பங்குச்சந்தையிலிருந்து சுமார் ₹22,530 கோடி நிதியை வெளியேற்றியுள்ளனர்.

இந்திய பங்குச் சந்தை

BySaranya JK

Published on: January 19, 2026 at 2:53 pm

மும்பை ஜனவரி 19, 2026;ஜனவரி 2026-இல், வெளிநாட்டு முதலீட்டாளர்கள் விற்பனை அழுத்தம் காரணமாக, இந்திய பங்குச்சந்தையிலிருந்து சுமார் ₹22,530 கோடி நிதி வெளியேறியது.
அதேசமயம், உள்நாட்டு நிறுவன முதலீட்டாளர்கள் (DIIs) வலுவான ஆதரவாக இருந்து, மொத்தம் ₹34,076 கோடி மதிப்பிலான இந்திய பங்குகளை வாங்கியுள்ளனர்.

இதனால், வெளிநாட்டு முதலீட்டாளர்களின் விற்பனை அழுத்தம் இருந்தபோதும், உள்நாட்டு முதலீட்டாளர்களின் வலுவான வாங்குதல் சந்தையை நிலைநிறுத்த உதவியுள்ளது.
அதாவது, ஜனவரி 1 முதல் 16 வரை, வெளிநாட்டு போர்ட்ஃபோலியோ முதலீட்டாளர்கள் (FPIs) இந்திய பங்குச்சந்தையிலிருந்து ₹22,530 கோடி மதிப்பிலான பங்குகளை விற்றுள்ளனர்.

இதையும் படிங்க; முதலீட்டுக்கு ரெடியா இருங்க.. இந்த வார புதிய IPO பட்டியல் தயார்!

இது கடந்த ஆண்டு தொடங்கிய விற்பனை தொடர்ச்சியின் நீடிப்பு ஆகும். NSDL தரவுகள், முதல் பாதி மாதத்தில் நிகர வெளியேற்றத்தை (Net Outflow) காட்டுகின்றன. அதேசமயம், உள்நாட்டு நிறுவனங்கள் தொடர்ந்து ஆதரவாக இருந்தன.

முன்னதாக, 2025-இல், FPIs சுமார் ₹1.66 லட்சம் கோடி மதிப்பிலான பங்குகளை வெளியேற்றியிருந்தனர். அந்த வெளியேற்றத்திற்கு, நாணயத்தின் அதிக அதிர்வுகள், உலகளாவிய வர்த்தக பதற்றங்கள், அமெரிக்க சுங்க வரிகள் குறித்த அச்சங்கள் மற்றும் சந்தை மதிப்பீடுகள் அதிகமாக இருப்பது காரணமாக இருந்தன.

இதற்கிடையில், “இந்த நீண்டகால வெளிநாட்டு விற்பனை அழுத்தம், 2025-இல் ரூபாய் சுமார் 5% மதிப்பிழப்பிற்கு முக்கிய காரணமாக இருந்தது” முதலீட்டு நிபுணர்கள் கூறியுள்ளனர்.

இதையும் படிங்க; தோல்வியை சந்தித்தாலும் மீண்டும் எழு… பியூஷ் கோயல்