கனரா வங்கி ஃபிக்ஸட் டெபாசிட் வட்டி விகிதம் திருத்தம்: புதிய ரிட்டனை செக் பண்ணுங்க!

Canara Bank Fixed Deposit Interest Rates : இந்திய பொதுத்துறை வங்கிகளில் ஒன்றான கனரா வங்கி ஃபிக்ஸட் டெபாசிட் வட்டி விகிதங்களை திருத்தியுள்ளது. புதிய விகிதம் என்ன தெரியுமா?

ஃபிக்ஸட் டெபாசிட் வட்டி விகிதம்

BySaranya JK

Published on: June 6, 2025 at 1:10 pm

Updated on: June 6, 2025 at 1:11 pm

சென்னை, ஜூன் 5 2025: கனரா மற்றும் பஞ்சாப் நேஷனல் வங்கி ஃபிக்ஸட் டெபாசிட் வட்டி விகிதங்களை திருத்தியுள்ளது. இந்தப் புதிய வட்டி விகிதங்கள் ரூ.3 கோடிக்கும் குறைவான ஃபிக்ஸட் டெபாசிட் முதலீடுகளுக்கு பொருந்தும். மேலும், இந்தத் திருத்தம் 2025 ஜூன் 1ஆம் தேதி முதல் அமலுக்கு வந்துள்ளன.

கனரா வங்கியை பொறுத்தவரை பொது வாடிக்கையாளர்களுக்கு 4% முதல் 7% வரையிலான வட்டி விகிதங்களை வழங்குகின்றன. இதில், மூத்த குடிமக்கள் 4% முதல் 7.50% வரை பெறுகிறார்கள்.
இந்த நிலையில், 3 ஆண்டுகள் மற்றும் அதற்கு மேற்பட்ட ஆனால் 5 ஆண்டுகளுக்கு குறைவான நிலையான வைப்புத்தொகை காலங்களுக்கு, விகிதம் 25 அடிப்படை புள்ளிகள் (7% லிருந்து 6.75% ஆக) குறைக்கப்பட்டுள்ளது.

தொடர்ந்து, ஒரு வருட காலத்திற்கு, கனரா வங்கி நிலையான வைப்புத்தொகை வட்டி விகிதத்தை 10 அடிப்படை புள்ளிகள் (bps) குறைத்து, 6.85% லிருந்து 6.75% ஆகக் குறைத்துள்ளது.
இதற்கிடையில், 7 நாட்கள் முதல் 45 நாட்கள் வரையிலான அனைத்து முதிர்வு கால வைப்புத்தொகைகளுக்கும் (அனைத்து முதிர்வு கால வைப்புத்தொகைகளுக்கும்) பொது மக்களுக்கு 4% வட்டி விகிதம் வழங்கப்படுகிறது.

பஞ்சாப் நேஷனல் வங்கி எஃப்.டி விகிதம்

பஞ்சாப் நேஷனல் வங்கியை பொறுத்தமட்டில், பொது குடிமக்களுக்கு 7 நாட்கள் முதல் 10 ஆண்டுகள் வரையிலான நிலையான வைப்புத்தொகைக்கு 3.50% முதல் 6.90% வரை வட்டி விகிதங்களை வழங்குகிறது.
இதில் மூத்தக் குடிமதக்கள் 0.50 சதவீதம் வரை கூடுதல் வட்டி விகிதம் பெறுவார்கள். மேலும், 390 நாட்கள் கால அவகாசத்தில் அதிகபட்ச வட்டி விகிதம் 6.9% ஆகும். முன்னதாக, 390 நாட்கள் கால அவகாசத்தில் அதிகபட்ச வட்டி விகிதம் 7% வழங்கப்பட்டது.

இதையும் படிங்க : ஃபிக்ஸட் டெபாசிட் முதலீடுக்கு 9.1 சதவீதம் வட்டி; மூத்தக் குடிமக்கள் நோட் பண்ணுங்க!