ஃபிக்ஸட் டெபாசிட் முதலீடுக்கு கொட்டும் பணம்; 6 வங்கிகளின் வட்டி விகிதம் லிஸ்ட்!

Fixed Deposit interest rates in 2025: 2025ல் ஃபிக்ஸட் டெபாசிட் முதலீடுக்கு அதிக வட்டி வழங்கும் 6 வங்கிகள் குறித்த விவரங்கள் இங்குள்ளன. பொதுவாக ஃபிக்ஸட் டெபாசிட் முதலீடுகள் பலராலும் விரும்பப்படுகின்றன.

ஃபிக்ஸட் டெபாசிட் முதலீடு

FD rates up to 8 25 PC for senior citizens

BySaranya JK

Published on: May 11, 2025 at 10:03 pm

சென்னை, மே 11 2025: இந்திய ரிசர்வ் வங்கி 2025 பிப்ரவரி மாதம் ரெப்போ வட்டி விகிதத்தை குறைத்தது. இதைத் தொடர்ந்து, ஃபிக்ஸட் டெபாசிட் வட்டி விகிதத்தை சில வங்கிகள் குறைக்கத் தொடங்கின.
எனினும், சில வங்கிகள் சிறப்பு ஃபிக்ஸட் டெபாசிட் திட்டத்தில் நல்ல வட்டி விகிதத்தை வழங்கி வருகின்றன. இந்த நிலையில், முதலீட்டுக்கு பெஸ்ட் ரிட்டன் வழங்கும் 6 வங்கிகள் குறித்து பார்க்கலாம்.

6 வங்கிகளின் ஃபிக்ஸட் டெபாசிட் வட்டி விகிதம்

வங்கி	பொதுகுடிமக்கள் அதிகப்பட்ச வட்டி விகிதம்
பஞ்சாப் நேஷனல் வங்கி	7.10
ஸ்டேட் பேங்க் ஆஃப் இந்தியா	7.00
ஃபெடரல் வங்கி	7.15
கோடக் மகிந்திரா வங்கி	7.15
ஐ.சி.ஐ.சி.ஐ வங்கி	7.05
ஹைச்.டி.எஃப்.சி வங்கி	7.05

பஞ்சாப் நேஷனல் வங்கி

பஞ்சாப் நேஷனல் வங்கி பொது மற்றும் மூத்த குடிமக்களுக்கு 1 வருட நிலையான வைப்புத்தொகையில் முறையே 6.7 சதவீதம் மற்றும் 7.2 சதவீதம் வழங்குகிறது. அதிக வட்டி விகிதங்கள் பொது (7.1%) மற்றும் மூத்த குடிமக்களுக்கு (7.6%) 390 நாள்களில் வழங்கப்படுகின்றன.

ஸ்டேட் பாங்க் ஆஃப் இந்தியா

நாட்டின் மிகப்பெரிய வங்கியான எஸ்பிஐ, வழக்கமான குடிமக்களுக்கு 6.7 சதவீதமும், மூத்த குடிமக்களுக்கு 7.20 சதவீதமும் ஃபிக்ஸட் டெபாசிட் முதலீடுக்கு வழங்குகிறது.

அதிகபட்ச வட்டி விகிதம் வழக்கமான குடிமக்களுக்கு 6.75 சதவீதமும், மூத்த குடிமக்களுக்கு 7.25 சதவீதமும் 3-5 ஆண்டுகள் வரையிலான காலத்திற்கு வழங்கப்படுகிறது.

ஃபெடரல் வங்கி

ஃபெடரல் வங்கி 1 வருட நிலையான வைப்புத்தொகைக்கு (FD) 6.75 சதவீதம் மற்றும் 7.25 சதவீதம் வட்டி வழங்குகிறது. 444 நாள் நிலையான வைப்புத்தொகைக்கு, வங்கி வழக்கமான மற்றும் மூத்த குடிமக்களுக்கு முறையே 7.15 சதவீதம் மற்றும் 7.65 சதவீதம் என்ற அதிகபட்ச வட்டியை வழங்குகிறது.

ஐ.சி.ஐ.சி.ஐ வங்கி

ஐ.சி.ஐ.சி.ஐ வங்கி ஒரு வருட நிலையான வைப்புத்தொகைக்கு பொது குடிமக்களுக்கு 6.7 சதவீத வட்டியும், மூத்த குடிமக்களுக்கு 7.2 சதவீத வட்டியும் வழங்குகிறது.

இந்த வங்கி 18 மாதங்கள் முதல் இரண்டு ஆண்டுகள் வரையிலான நிலையான வைப்புத்தொகைக்கு 7.05 சதவீத வட்டியும், மூத்த குடிமக்களுக்கு 7.55 சதவீத வட்டியும் வழங்குகிறது.

ஹெச்.டி.எஃப்.சி வங்கி

ஹெச்.டி.எஃப்.சி வங்கி ஒரு வருட நிலையான வைப்புத்தொகைக்கு 6.6 சதவீத வட்டியும், மூத்த குடிமக்களுக்கு 7.10 சதவீத வட்டியும் வழங்குகிறது.
அதேநேரத்தில், 15 முதல் 21 மாதங்கள் வரையிலான நிலையான வைப்புத்தொகைக்கு 7.05 சதவீத வட்டியும், மூத்த குடிமக்களுக்கு 7.55 சதவீத வட்டியும் வழங்குகிறது.

Disclaimer: (இந்தச் செய்தி தகவலுக்காக மட்டுமே எழுதப்பட்டுள்ளது. முதலீடுக்கு முன் சம்பந்தப்பட்ட வங்கி அதிகாரிகளிடம் முதலீடு குறித்து முழுவதுமாக கேட்டு தெரிந்துக்கொள்ளவும். முதலீட்டாளரின் லாப நஷ்டங்களுக்கு திராவிடன் டைம்ஸ் எவ்விதத்திலும் பொறுப்பேற்காது)

இதையும் படிங்க : கனரா வங்கியின் 444 நாள் ஃபிக்ஸட் டெபாசிட்; ரூ.4 லட்சம் முதலீடுக்கு எவ்வளவு ரிட்டன்?