ஜெயிலர் 2 ரிலீஸ்.. தியேட்டர் சென்ற தனுஷ்!

Dhanush: நடிகர் தனுஷ் சென்னையில் உள்ள ரோகிணி திரையரங்கிற்கு ‘ஜெயிலர் 2’ திரைப்படத்தைப் பார்ப்பதற்காக சென்றார்.

ஜெயிலர் 2 படம் பார்க்க சென்ற தனுஷ்

ByThilahavathy P

Published on: October 15, 2026 at 4:43 pm

சென்னை, அக்.15, 2026: சூப்பர் ஸ்டார் ரஜினிகாந்த் நடித்துள்ள ‘ஜெயிலர் 2’ திரைப்படம் இன்று (அக்டோபர் 15) உலகம் முழுவதும் திரையரங்குகளில் வெளியாகியுள்ளது. படத்தின் வெளியீட்டை முன்னிட்டு, தமிழகத்தில் மட்டுமின்றி வெளிநாடுகளிலும் ரசிகர்கள் உற்சாகமாகக் கொண்டாடி வருகின்றனர்.

இந்நிலையில், நடிகர் தனுஷ் சென்னையில் உள்ள ரோகிணி திரையரங்கிற்கு ‘ஜெயிலர் 2’ திரைப்படத்தைப் பார்ப்பதற்காக வந்தார். அவரைக் கண்ட ரசிகர்களும், அங்கு திரண்டிருந்த செய்தியாளர்களும் உற்சாகமடைந்தனர். தனுஷ் புகைப்படக் கலைஞர்களைப் பார்த்துக் கையசைத்துவிட்டு விரைவாகத் திரையரங்கிற்குள் சென்றார்.

நடிகர் தனுஷ், ரஜினிகாந்தின் மகளும் இயக்குநருமான ஐஸ்வர்யா ரஜினிகாந்தின் முன்னாள் கணவர் ஆவார். இருவரும் 2024ஆம் ஆண்டு பிரிவதாக அறிவித்தனர். இருப்பினும், ரஜினிகாந்த் நடித்த திரைப்படத்தைப் பார்க்க தனுஷ் திரையரங்கிற்கு வந்தது ரசிகர்களின் கவனத்தை ஈர்த்துள்ளது.

நெல்சன் திலீப்குமார் இயக்கத்தில் உருவாகியுள்ள ‘ஜெயிலர் 2’ படத்தில் ரஜினிகாந்துடன் வித்யா பாலன், மோகன்லால், மிதுன் சக்ரவர்த்தி, ஜாக்கி ஷெராஃப் உள்ளிட்ட பலர் நடித்துள்ளனர். அனிருத் ரவிச்சந்தர் இசையமைத்துள்ளார். முதல் பாகம் பெரும் வரவேற்பைப் பெற்ற நிலையில், இரண்டாம் பாகத்திற்கும் ரசிகர்கள் மத்தியில் அதிக எதிர்பார்ப்பு நிலவுகிறது.

இதையும் படிங்க : ‘சத்யவான் சாவித்திரி’ படத்தின் டீசர் வெளியீடு.. எகிறும் எதிர்பார்ப்பு