முதலமைச்சர் விஜய்யைச் சந்தித்த ராஷ்மிகா மந்தனா, விஜய் தேவரகொண்டா!

CM Vijay: முதலமைச்சர் விஜய்யைச் ராஷ்மிகா மந்தனா, விஜய் தேவரகொண்டா சந்தித்துள்ளனர்.

முதலமைச்சர் விஜய் உடன் ராஷ்மிகா- விஜய் தேவரகொண்டா

ByThilahavathy P

Published on: October 15, 2026 at 3:26 pm

சென்னை, அக்.15, 2026: நடிகர்கள் ராஷ்மிகா மந்தனா மற்றும் விஜய் தேவரகொண்டா ஆகியோர் தமிழக முதலமைச்சர் சி. ஜோசப் விஜய்யைச் சென்னையில் சந்தித்தனர். தங்களது புதிய திரைப்படமான ‘ரணபாலி’ வெளியீட்டுக்கு முன்னதாக, படத்தின் விளம்பரப் பணிகளுக்காகத் தமிழகத்திற்கு வந்திருந்தபோது இந்தச் சந்திப்பு நடைபெற்றது. இப்படம் அக்டோபர் 16ஆம் தேதி திரையரங்குகளில் வெளியாக உள்ளது.

இந்தச் சந்திப்பு குறித்து சமூக வலைதளத்தில் பதிவிட்ட ராஷ்மிகா மந்தனா, நடிகர் விஜய்யின் நீண்டகால ரசிகையாக இருந்ததிலிருந்து அவருடன் இணைந்து நடித்தது வரையிலான தனது பயணத்தையும், தற்போது முதலமைச்சராக அவரது வளர்ச்சியைக் கண்டு வியப்பதாகவும் தெரிவித்துள்ளார். விஜய்யின் பயணம் அசாதாரணமானது என்று குறிப்பிட்ட அவர், தனது அன்பையும் வாழ்த்துகளையும் தெரிவித்துள்ளார்.

விஜய் தேவரகொண்டாவும் இந்தச் சந்திப்பு மிகவும் மகிழ்ச்சிகரமாக இருந்ததாகப் பதிவிட்டுள்ளார். நீண்ட நாளுக்குப் பிறகும் அன்புடன் வரவேற்று, வாழ்க்கை, பணி மற்றும் உலகம் குறித்த பல விஷயங்களை விஜய் பகிர்ந்துகொண்டதாக அவர் தெரிவித்துள்ளார். “ஒரே சந்திப்பிலேயே அவர் எனக்குப் பிடித்தவராகிவிட்டார்” என்ற கருத்தையும் பகிர்ந்துள்ளார். ‘கீதா கோவிந்தம்’, ‘டியர் காம்ரேட்’ படங்களுக்குப் பிறகு இணையும் இந்த ஜோடியின் ‘ரணபாலி’ படத்துக்கு ரசிகர்கள் மத்தியில் எதிர்பார்ப்பு அதிகரித்துள்ளது.

இதையும் படிங்க : ‘ரணபாலி’ படத்துக்கு யு/ஏ சான்றிதழ்.. படம் அக்டோபர் 16-ல் வெளியீடு!