பெல்ஜியம் 24H கார் ரேஸில் அஜித்குமார் அணி 2ஆம் இடம் பெற்று சாதனை!

Ajith Kumar: பெல்ஜியத்தில் நடைபெற்ற 24H கார் ரேஸில் GT3 PRO AM பிரிவில் அஜித்குமார் அணி 2ஆம் இடம் பெற்று சாதனை படைத்துள்ளது.

24H கார் ரேஸில் அஜித்குமார் அணி 2ஆம் இடம்

ByAkila Ramakrishnan

Published on: April 20, 2026 at 4:31 pm

பிரஸ்ஸல்ஸ், ஏப். 20 2026: நடிகர் அஜித் குமார் தனது உலகளாவிய ரேஸிங் பயணத்தில் தொடர்ந்து வெற்றிகளைப் பதிவு செய்து வருகிறார். தற்போது பெல்ஜியத்தில் நடைபெற்ற 24H சீரிஸ் போட்டியில், சர்க்யூட் டி ஸ்பா-ஃபிராங்கோர்காம்ப்ஸ் வட்டத்தில் இரண்டாம் இடத்தைப் பெற்று, மீண்டும் ஒரு வெற்றியை பதிவு செய்துள்ளார்.

அஜித் குமார் மற்றும் அவருடைய ரேஸிங் குழுவினர் மேடையில் கோப்பையைப் பெற்றபோது எடுக்கப்ட்ட புகைப்படங்களை அவரது மேலாளர் சுரேஷ் சந்திரா பகிர்ந்துள்ளார்.

அவர், “இந்த தருணம் முழு இந்தியாவையும் பெருமைப்படுத்தியுள்ளது. ஆர்வம், உறுதி, மற்றும் விடாமுயற்சி எல்லைகளைக் கடக்காது என்பதை நிரூபித்தது” என்று குறிப்பிட்டுள்ளார். கோப்பையைப் பெற்ற பிறகு, அஜித் இந்தியக் கொடியை அசைத்து வெற்றியை கொண்டாடினார்.

அஜித்தின் முந்தைய சாதனைகள்

கடந்த ஆண்டு, அதே ஸ்பா-பிரான்கோர்சாம்ப்ஸ் வட்டத்தில் நடைபெற்றக்ரெவென்டிக் எண்டூரன்ஸ் ரேஸ்-இல் போர்ஸ் 992 GT3 கோப்பை பிரிவில் இரண்டாம் இடம் பெற்றார். அதற்கு முன்பு, துபாய் ஆட்டோட்ரோம் மற்றும் முகெல்லோ சர்க்யூட் (இத்தாலி) ஆகிய இடங்களில் மூன்றாம் இடத்தைப் பெற்றார்.

அஜித் குமார் தொடர்ந்து பிரான்ஸ், ஜெர்மனி, ஸ்பெயின், இத்தாலி, யுனைடெட் கிங்டம் மற்றும் போர்ச்சுகல் ஆகிய நாடுகளில் நடைபெறும் பல்வேறு ரேஸிங் சாம்பியன்ஷிப் போட்டிகளில் பங்கேற்க உள்ளார். அஜித்தின் ரேஸிங் முயற்சிகளை மையமாகக் கொண்டு ஒரு டாக்குமென்ட்ரி படம் இயக்குநர் விஜய்யால் உருவாக்கப்பட்டு வருகிறது. இதன் வெளியீட்டு தேதி இன்னும் அறிவிக்கப்படவில்லை.

அவர் கடைசியாக அதிக் ரவிச்சந்திரன் இயக்கத்தில் குட் பேட் அக்லி படத்தில் நடித்தார். தற்போது, அவர் AK64 எனும் புதிய படத்தில் அதே இயக்குநருடன் மீண்டும் இணைகிறார்.

இதையும் படிங்க: ராமாயண இதிகாச படத்தில் இணைந்த இளையராஜா!