புஷ்பா-2 சாதனையை முறியடித்த துரந்தர்.. இந்தி பட வரலாற்றில் புதிய சாதனை!

Dhurandhar: ரன்பீர் கபூரின் துரந்தர் திரைப்படம் வசூலை வாரி குவித்து வருகிறது. இந்தப் படம் புஷ்பா-2 படத்தின் வசூலை முந்திவிட்டதாகவும் தகவல்கள் தெரிவிக்கின்றன.

துரந்தர் திரைப்படத்தில் ரன்பீர் கபூர்

BySaranya JK

Published on: January 7, 2026 at 5:48 pm

Updated on: January 7, 2026 at 5:49 pm

மும்பை, ஜன.7, 2026: பாலிவுட் நடிகர் ரன்வீர் சிங் நடித்துள்ள துரந்தர் திரைப்படம், பாக்ஸ் ஆபிஸில் தொடர்ந்து முன்னேறி, புதிய சாதனையை படைத்துள்ளது. இந்த நிலையில், செவ்வாய்க்கிழமை (ஜன.6, 2025) இந்தப் படம் அல்லு அர்ஜுன் நடித்த புஷ்பா 2: த ரைஸ் படத்தின் ஹிந்தி வசூலை முந்தியது. இதன் மூலம், துரந்தர் ஹிந்தியில் எப்போதும் அதிக வசூல் செய்த திரைப்படம் என்ற பெருமையை பெற்றுள்ளது.

இந்தப் படம் உள்ளூரில் ₹831 கோடி (net collection) வசூலித்துள்ளது. இந்த தரவுகள், பட தயாரிப்பாளர்களால் வெளியிடப்பட்ட சமீபத்திய புள்ளிவிவரங்கள் ஆகும். புஷ்பா-2 ஹிந்தி டப் செய்யப்பட்ட பதிப்பு மட்டும் ₹821 கோடி வசூல் செய்து இருந்தது. இந்நிலையில், இதுவரை ஹிந்தியில் அதிக வசூல் செய்த படமாக இருந்தது.

எனினும், அதிகாரப்பூர்வ தயாரிப்பாளர் தரவுகள் மற்றும் வர்த்தக வட்டாரங்களின் கணக்குகள் இடையே முரண்பாடு உள்ளது. அந்த வகையில், துரந்தர் படம், புஷ்பா 2-ஐ முந்தியதா அல்லது இன்னும் முந்த வேண்டுமா என்பது, அடுத்த சில வாரங்களில் வசூல் நிலவரத்தால் தெளிவாகும் என்பது குறிப்பிடத்தக்கது.

இதையும் படிங்க: கமல்ஹாசன் தயாரிப்பில் ரஜினிகாந்த்.. வெளியானது புதிய அப்டேட்!