கமல் தயாரிப்பில் ரஜினி.. சுந்தர் சி எஸ்கேப்.. பரபரப்பில் கோடம்பாக்கம்!

Director Sundar C: நடிகரும் மாநிலங்களவை எம்.பி.யுமான கமல்ஹாசன் தயாரிப்பில் சூப்பர் ஸ்டார் ரஜினிகாந்த் நடிக்கவிருந்த தலைவர் 173 படத்தில் இருந்து இயக்குனர் சுந்தர் சி விலகினார்.

ரஜினி, கமலுடன் சுந்தர் சி

ByAkila Ramakrishnan

Published on: November 13, 2025 at 10:25 pm

சென்னை, நவ.13, 2025: பல தசாப்தங்களுக்குப் பிறகு ரஜினிகாந்த் மற்றும் கமல்ஹாசன் மீண்டும் இணையப் போவதாக அதிகாரப்பூர்வ அறிவிப்பு வெளியானதும் ரசிகர்கள் மகிழ்ச்சியில் திளைத்தனர். இந்த நிலையில், படத்தின் தயாரிப்பு தொடங்குவதற்கு முன்பே படம் இப்போது ஒரு பெரிய தடையை எதிர்கொள்கிறது. இப்படத்தில் இருந்து இயக்குனர் சுந்தர் சி, தற்போது விலகியுள்ளார். முன்னதாக, இயக்குனரின் மனைவி குஷ்பு சுந்தர் தனது சமூக ஊடகக் கணக்கில் அதிகாரப்பூர்வ அறிக்கையைப் பகிர்ந்து கொண்டார். இதையடுத்து அவர் சில நிமிடங்களில் அதனை நீக்கிவிட்டார்.

இதைத் தொடர்ந்து, சுந்தர் சி-யின் அதிகாரப்பூர்வ அறிக்கை அவரின் ட்விட்டர் எக்ஸ் கணக்கில் பகிரப்பட்டது. அதில், “கனத்த இதயத்துடன் சில முக்கியமான செய்திகளை உங்களுடன் பகிர்ந்து கொள்கிறேன். எதிர்பாராத மற்றும் தவிர்க்க முடியாத சூழ்நிலைகளால், மதிப்புமிக்க திட்டமான தலைவர் 173-லிருந்து விலகும் கடினமான முடிவை நான் எடுத்துள்ளேன்” எனத் தெரிவிக்கப்பட்டுள்ளது.

SUNDAR C wont be directing #Thalaivar173 — Official Statement. pic.twitter.com/tHmsZvdiRG
— LetsCinema (@letscinema) November 13, 2025

(சுந்தர் சி ட்விட்டர் அறிக்கை)

கூலி படம் வெளியாவதற்கு முன்பே ரஜினிகாந்த் மற்றும் கமல்ஹாசன் இருவரும் தங்கள் கூட்டணி குறித்து பேசிவந்தனர். கமல்ஹாசன் கடைசியாக மணிரத்னத்தின் தக் லைஃப் படத்தில் நடித்தார், இப்போது இன்னும் அறிவிக்கப்படாத ஒரு படத்தில் நடித்து வருகிறார். இந்தப் படத்தை யார் இயக்கப் போகிறார்கள் என்பது குறித்த விவரங்கள் எதுவும் அதிகாரப்பூர்வமாக அறிவிக்கப்படவில்லை என்பது குறிப்பிடத்தக்கது.

இதையும் படிங்க: Bison OTT release: துருவ் விக்ரமின் பைசன் ஒ.டி.டி. அறிவிப்பு.. எந்தத் தளம் தெரியுமா?